【致命復活】為拍裸背戲狂做sit up 譚凱琪:我嘅結局好淒美

撰文:
最後更新日期:

譚凱琪Zoie在《致命復活》將會有淒美結局。(黃國立攝)

《幕後玩家》的最強小三Emma(劉佩玥飾)昨晚就完結,剩返同樣性感的《致命復活》Emma(譚凱琪飾),今日譚凱琪Zoie就出席《致》劇宣傳活動,她表示好多人,甚至遠房親戚致電給她問劇情,她說:「超多人打俾我,姨媽姑姐,好多年無揾嘅朋友、同學都打嚟問,不過我都係話俾佢哋聽,未知劇情咁睇先好,我只能夠講,我嘅結局好淒美。」當然不少網友最愛看Zoie露背一幕,她表示事前都有下苦功,她說:「早、午、晚做sit up、每次30下及做Plank(平板支撐),都係想綫條firm啲,咁出嚟就好睇啲啦。」

另外今年Zoie 幾套劇都令網民有深刻印象,她亦表示初時都有擔心自己起步較遲,她說:「初入嚟TVB,好多人覺得我會唔會太遲?嗰刻我都好懷疑,自己都唔知點答,只覺得自己要試要做,但依家就唔會後悔。」

譚凱琪今年事業順境,三套劇《EU超時任務》、《來自喵喵星的你》、《致命復活》都有不少網民討論。(黃國立攝)

Zoie 感激《EU超時任務》水晶梨這個角色,帶給她很多,但亦感激自己遇過事業低潮,她說:「都曾經試過放棄,轉行,我當年係小室哲哉徒弟入行,又去過台灣發展,之後又返嚟香港,嗰段期間無簽公司又冇工作,嗰陣去咗一間日本公司做文職,當時心諗自己唔想停落嚟,因為身邊同期起步嘅已經超越過你,馬死落地行,唔一定要做呢行,其實諗返又唔算太低潮,只不過唔同階段吸取唔同嘅嘢,我慶幸自己經歷過。」



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。