【萬千星輝頒獎典禮】袁偉豪奪獎難忘前度岑杏賢:可以一齊慶祝

撰文:郭敏玲 溫菁莉
出版:更新:
牙佬同花曼一齊拎「最受歡迎電視角色」,真係好開心。(符祥定攝)

《城寨英雄》大滿貫,當中包括王君馨與袁偉豪以花曼及牙佬角色,一齊奪得「最受歡迎的電視角色」。失落了「最佳女配角獎」的王君韾,坦言最初都想拎呢個獎:「係有諗過嘅,但之後都無特別去諗,甚至係呢個獎。我真係以為呢個獎係做過女主角先可以拎到㗎。」其後,Grace多謝遠在加拿大並成為人妻的岑麗香,讓她可以站在台上,仲話就算有失望,有神都會統統無晒,繼續努力,但就唔想大家繼續叫佢做花曼,讓她可以專心做其他角色。

至於袁偉豪,剛才在台上多謝前女友岑杏賢,事後他回應:「其實今次係我第一次喺香港拎嘅獎,所以好想多謝返一直係我身邊陪伴住、支持住嘅人。頭先都漏咗多謝好多人,好似郭師傅,仲有劇組其他人,講到咁上下時候,情緒都一時控制唔到。」問到與岑杏賢有無機會復合?袁偉豪表示:「暫時都唔想講呢啲事住,始終工作要緊。(會唔會一齊去慶祝?)都可以嘅,叫多幾個人一齊都得,叫埋Crazy Runner一班朋友,陳山聰呀佢哋一齊。」

袁偉豪講到多謝岑杏賢時,一度眼濕濕。(梁碧玲攝)
《城寨英雄》齊齊拎獎,好完滿。(符祥定攝)