金盈離開TVB轉做Slasher更富貴? 「而家接觸嘅人範疇好唔同」

撰文:陳栢宇
出版:更新:

前無綫(TVB)主播金盈(Liz)今日(6/4)在尖沙咀一間店舖出席自家環保香薰蠟燭品牌活動,前主播男友Jeff Tang和名模陳繹嵐(Eunis,前名陳嘉容)亦有到場支持。金盈的品牌在1月才開設網店,短短三個月時間已進駐實體店,成績非常犀利,她接受《香港01》訪問時不敢居功,更稱店舖非常支持自己的生意:「佢哋好Support環保品牌,所以促成到今次合作。」她又相信品牌進駐實體店後,營業額會更為理想,因為多數顧客會傾向親身聞到味道後才購買。

點擊下圖觀看活動情況:

+6

金盈於2019年8月離開TVB,至今做了接近兩年Slasher(斜槓族/自由工作者),她坦言習慣了兩種工作模式的差異:「而家自由好多,接觸嘅人範疇好唔同,即使之前都有出去拍故仔,但始終好多時都係一星期有五日喺廠,對住同事、機器比較多。(搵多好多?)其實『疫』市都好大影響,因為開頭諗住接啲MC工作做,但因為限聚暫停咗,轉咗做其他未諗過會做嘅嘢,所以唔算搵多好多。」

金盈受訪時談及由主播轉做Slasher的分別。(葉志明攝)

相信不少人都記得金盈曾經戴住一隻炒價高達20萬的勞力士「白面Daytona 116500」坐在主播檯後報新聞,並認為她出身有米之家,屬「富二代」,金盈即指自己今日也是戴上那隻錶:「你講緊呢隻錶嘛,呢隻錶都係我第一隻錶嚟,最主要係佢會保值、升值,身邊啲玩錶嘅朋友都建議我咁做,完全唔係為咗炫富,而家比起當時都升咗值好多!」據了解,金盈腕上名錶炒價現時已達25萬。

不過,金盈卻指自己投資唔算叻:「都唔算叻,可能係以前讀Econ(經濟學)、成日睇財經新聞嘅幫助,我好信吸引力法則,當你鑽研呢樣嘢,你就會發現身邊好多人都會討論到呢樣嘢。」她又指IG中有名車靚相並非睇車,而是出席活動:「我冇車牌㗎,同埋我都擔心揸車,我唔係好識分左右。」

金盈出席活動時亦有戴上「新聞之錶」──勞力士「白面Daytona 116500」。(葉志明攝)

點擊下圖觀看金盈IG靚相:

+20