日日媽媽聲|袁詠儀剖白人工受孕辛酸 遺憾未能懷上第二胎

撰文:
最後更新日期:

現年49歲的袁詠儀 (靚靚) 與老公張智霖婚後育有一子張慕童 (魔童),一家三口過得十分幸福。不知不覺魔童今年已經14歲,早年外界一直盛傳靚靚想再追多個小朋友來陪伴仔仔,特別渴望生個囡囡,可惜多年來都未能成功。昨晚(10/4)靚靚就為無綫節目《日日媽媽聲》首集擔任嘉賓,與三位媽咪級主持包括余安安、陳凱琳以及羅敏莊分享她當年備孕的經驗。

靚靚一家三口生活幸福。(張智霖ig)

靚靚表示當年準備想要小朋友時,為了有個健康的身體去製造小生命而特地戒煙,戒了3個月後才開始努力造人,嘗試了幾個月,當她覺得好像沒有甚麼動靜,正準備放棄之時,原來小生命已悄悄來到,那個就是魔童了。為了生B她用了很多方法:「我做過晒喇,計體溫啦,計日子啦,姿態啦。我當時個諗法就係『嚟啦嚟啦,快啲嚟快啲嚟,baby快啲嚟媽咪度。』係要好集中嘅。」

靚靚係首集嘉賓。(節目截圖)

生完第一胎之後,靚靚想再追第二胎,無奈事與願違。她說:「我唔記得咗自己已經35歲,用盡好多方法去再要第二個,但係都係唔得。我斷斷續續,維持咁試過幾年,同老公計晒時間都唔得,跟住我又試過醫學上啦,即係去做人工授孕,不過我諗年紀上真係有啲爭啲,咁好遺憾啦,對我嚟講係一個遺憾,但係由我放棄咗之後就無諗喇。」余安安問靚靚備孕期間試了這麼多方法,最辛苦是什麼,靚靚表示是人工授孕時打針的痛,以及胚胎植入後等待的過程,她說:「等嘅過程好無奈,然後醫生話畀你聽Sorry呀,唔係sorry嗰一下唔開心,而係你等嘅時候咩都做唔到,而結果又唔得,呢樣係自己覺得最唔舒服嘅,我又未到唔開心,因為我覺得小朋友係整定嘅。唔可以再畀自己有呢種情緒,所以我就ok,試埋呢次夠喇。」

+17
+17
+17
+6
+6
+6


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。