【阿爺廚房】李家鼎鐵漢有柔情 提起前妻廚藝：真係無咩天份
撰文：郭敏玲
出版：更新：
向來形象強悍、硬朗的李家鼎（鼎爺）由武術刀轉揮菜刀，耍的刀法由充滿狠勁，轉化至柔韌有力，實在讓人另眼相看，超級驚喜。71歲的鼎爺行走娛樂圈40多年，遲來被發現有剛人柔並濟的一面，這種男人都真係幾吸引㗎，近乎絕種㖭。
攝影：梁碧玲
阿爺食鹽多過你食米！對於逝去感情，提起都無半點避忌。
鼎爺一講起煮嘢食，咀角總是上揚，然後滔滔不絕。懷舊菜、煮蟲、食療，咩都可以講，而且知識相當廣博，但原來講起食，鼎爺前妻施明都關事？典解嘅？事關鼎爺的好拍檔譚玉瑛姐姐經常提起前妻：「未埋位嘅時候，鼎爺會講起以前嘅事，成日都提起佢前妻㗎啵。」阿爺聽到，馬上回話，但語氣淡然：「咁我過去生活都係得一個女人啫，咁以前係屋企煮嘢食，佢（施明）都係度呀嘛！無理由忽略佢唔講，佢確實存在嘅，無咩好避忌。」
鼎爺廚藝如此了得，做佢老婆咪可以坐低等食？鼎爺憶述與前妻的生活：「又唔係完全喺度等食，佢都會落下廚，（有無教過佢煮？）都有嘅，但佢就差咁啲天份，平時都識整下家常菜，蒸魚、炒菜，味道都叫過得去。」鼎爺現在少為家人煮飯，但依然會拿起鑊鏟，「兩個仔就好少煮畀佢哋食啦，反而兄弟朋友開大食會，預我一份去幫手囉！」鼎爺提起前妻，沒有半點避諱，為人又夠晒雷氣，真係好嘢！
鼎爺雖跟前妻施明離婚多年，但跟兩名兒子泳豪（左）和泳漢關係仍然好密切。
後記： 訪問當天，節目還未出街。期間鼎爺收到幾通電話，其中一個是囝囝打來，說要會合他，鼎爺叫他稍等，仲話：「我而家做緊訪問呀，你老豆而家做咗主角呀，你唔知咩死仔？你而家先至係馬騮屎忽咋，你老豆幾紅！」雖然講笑，但鼎爺一語成真，今次呢期最紅係你啦！
【阿爺廚房】李家鼎霸氣自稱唔識醉 行走江湖要一技傍身【阿爺廚房】杜汶澤高呼愛上鼎爺有料到 李家鼎：大把人叻過我啦【阿爺廚房】李家鼎為頒獎禮整炸雞手都軟：朝早９點開始煮【阿爺廚房】網友讚好睇過肥媽 李家鼎刀功勁：老爸叫我學
其實譚姐姐都幾有guts，除咗喺節目同鼎爺頂咀，仲爆鼎爺大獲。
阿爺刀功勁，而且好柔情。