65歲凍齡呂良偉身價逾10億 與老婆春遊賞花戴百萬小紅表超搶眼

撰文:鄺鈺瑩
出版:更新:
63歲嘅呂良偉保養得宜 ,與老婆喺內地到處遊山玩水。不過網民嘅重點係佢手上嘅Richard Mille。

呂良偉同現任太太楊小娟結婚19年一直非常恩愛,兩公婆更年更齊齊玩抖音、小紅書,絕對係緊貼行情。早前二人趁工作空檔,去春遊賞花,不過網民嘅重點就落在呂良偉嘅手上,並留言:「呂先生的小紅表特搶眼,是硬貨喔!」呢隻小紅錶,其實係Richard Mille,之前黃子韜都曾在IG一打一打咁晒出嚟,而呂良偉手上呢隻,市價逾百萬,佢之前喺春晚表現時,戴上同一牌子嘅黑色鑽石款,至少三百萬。

仲有隻黑色。(微博圖片)

Richard Mille喺2001年才推出第一枚手錶,20年間深得手錶收藏家歡心,更獲Pharrell Williams、楊紫瓊等人賞識,主要係因為Richard Mille唔少錶款都限量生產,有錢都未必買到,能夠擁有絕對係身份嘅象徵。

老公收藏名錶,老婆熱衷收藏名牌包包。楊小娟手上嘅鰐魚皮拼色Hermes Kelly,炒價逾60萬。(小紅書圖片)

呂良偉曾表示婚後嘅投資理財,全部交由楊小娟打理,自己則靠領零用錢當生活費。其實楊小娟在內地經商多年,在政商界都人脈甚廣,除投資娛樂公司外,又成立廣告公司,生意遍佈各大一線城市,每年營業總額達兩億人民幣(約2.3億港元),前年再投資過千萬在香港開設醫學美容中心,難怪呂良偉大讚老婆眼光精準,令其身價累積已達10億。

點擊下圖睇更多恩愛合照:

+49