朱敏瀚爆粗、馮盈盈扮AV女優 myTV特備節目「激」過開心大綜藝

撰文:鄺鈺瑩
出版:更新:
《SUPER FIVE》由 麥美恩、馮盈盈、簡淑兒、朱敏瀚、麥大力主持,對白勁多踩界位,就好似朱敏瀚問麥美恩「扑得開唔開心」,馮盈盈在旁補充表示:「通常扑嘢都係享受過程」。(影片截圖)

myTV SUPER特備節目《SUPER FIVE》由 麥美恩、馮盈盈、簡淑兒、朱敏瀚、麥大力主持,未知是否節目暫時只在myTV上架,所以幾位藝人都玩得特別放,喺「賣魚勝」環節當中,玩家需要將自己嘅魚撈給對手,到最後魚量最少嘅玩家為之勝出。

朱敏瀚話自己「鞭鞭有力」同「好持久」。(影片截圖)

喺拍攝賽後感時,麥美恩直斥馮盈盈出矛招係垃圾,馮盈盈手執一條被佢玩到魚尾變形嘅魚表示:「我係垃圾, 而且係好L垃圾。」之後問朱敏瀚撈到嘅魚咩情況,朱敏瀚一臉自信表示:「物似主人形,鞭鞭有力,你睇佢而家仲fing緊,幕後啲人話佢好快無電,但落喺我手,已經5小時。(好持久喎!)我平時都係咁!」又笑指馮盈盈連魚都玩死「你好L垃圾」。

神之配音其實係惡搞環節。(影片截圖)

節目另一環節「神之配音組」係會播出劇集片段,幾位藝人要即場重新配音。工作人員播出《機場特警》張振朗同朱敏瀚喺天台對話一幕

原先嘅對白為:

張振朗:「我又唔係MAN SIR,點幫你呀?」

朱敏瀚:「我想好似你咁fit」

張振朗:「想好似我咩?」

朱敏瀚:「我想好似你咁fit」

張振朗:「係咁易傾兩句啦」

被惡搞之後,朱敏瀚將「我想好似你咁fit」改為「我想比你鞭」、「我想晚晚比你鞭」,而麥美恩版本就變為「我下面有啲癢喎、我幫你搔、我自己搞、我真係好想幫你、咁你過嚟啦」令整個畫面變得十分重口味。之後輪到麥大力上場,由於發音問題,令一句「咁我以後喺gym room望住你推」變成「望住你吹」,聽到馮盈盈十分興奮,而麥美恩更開心到將大力叫成「大碌」。

朱敏瀚話節目令佢無晒形象可言。(影片截圖)

點擊睇惡搞對白

+6

之後眾人為《踩過界II》配音時,朱敏瀚過份地投入,搞到爆粗收場「我已經夠樣衰架啦,估唔到仲有人樣衰過我,唔X係呀」全場人再次爆笑,而馮盈盈就話「我都估到呢個遊戲會出事,我以為係自己,估唔到係Brian。」其後到馮盈盈為《陀槍師姐2021》配音時,明明係一幕離婚喊戲,但佢就配上日文AV中經常出現嘅對白「だめだ(da me da)、気持ちいい(ki mo chi)、ぃく(i ku )」之後仲問麥美恩等人,加入東灣風味後,有否感覺更新鮮……連字幕都打出「究竟我睇緊啲咩」。

馮盈盈激情演繹AV對白。(影片截圖)

同樣係綜藝節目,雖然《SUPER FIVE》只得五位主持,但無綫絕對可以考慮將《SUPER FIVE》安排喺翡翠台播出,絕對唔輸蝕畀盧苑茵扮米蘭,又或者係江美儀扮莫文藝。

麥美恩將大力叫成大碌之後,仲話「佢都望住你吹。有咩所謂?」(影片截圖)