56歲曹永廉秘密入院一星期 五勞七傷曾做心臟手術兼患耳水不平衡

撰文:洪曉璇
出版:更新:
56歲嘅曹永廉近年相當勤力,之前為警方拍真人真事短片。(影片截圖)

56歲嘅曹永廉近年相當勤力,不停喺螢幕前亮相,拍劇主持唱歌都涉獵。原來早前佢秘密入院,足足住咗成個星期醫院。

曹永廉主持咗好幾年《流行經典50年》。(資料圖片)

曾於節目自爆有遺傳性糖尿病嘅曹永廉,原來前年拍《愛美麗狂想曲》嘅時候,心臟出現問題有血管塞咗,當時等拍完劇就秘密入院做通波仔手術。近日佢又因為腎石問題,痛到行都行唔到,要入院等啲腎石自然排出。再加上飽受耳水不平衡折磨,正連踩兩劇再兼顧內地生意嘅曹永廉可謂五勞七傷,真係要好好保重身體呀。

+24
發表評論...