青春不要臉|荷里活級背景價值過千萬! 監製:希望唔會太落後

撰文:林迅景
出版:更新:

無綫新劇《青春不要臉》今日(20/05)煞科,劇中多位演員余德丞、丁子朗、林正峰和游嘉欣等在將軍澳15廠拍攝最後一組戲。余德丞、丁子朗和林正峰三位還坐在一駕懷舊BENZ中,充滿了80年代色彩。

無綫新劇《青春不要臉》今日(20/05)煞科,余德丞、丁子朗和林正峰在將軍澳15廠拍攝最後一組戲。(葉志明攝)

大家可能會好奇,為什麼在廠內可以拍攝揸車戲?原到今次TVB劇組首次採用了新技術拍攝,用LED面板搭建了整個可動式背景,所以就可以在廠內拍攝街景。監製林肯接受《香港01》訪問說:「今次係我哋新嘗試,因為背景係80年代背景,有好多都好難喺街取景,所以我哋就同動畫部門傾咗,亦同一間LED wall公司合作,希望可以將80年代呈現出嚟。」

個系統要價一千萬。(葉志明攝)

現場睇其實還完度和真實感都十分高,監製林肯亦透露,這一套裝置來頭其實一點都不簡單:「頭先見到嘅都係動畫畫出嚟,呢套系統係租返嚟嘅,如果買嘅話,投資大概係一千萬左右,租嘅話都要六位數字。就算係香港電影,呢套系統都比較少。對我嚟一定有進步,因為車就一定要喺拍,呢套技術,好嘅係兩邊車嘅位置都可以做到真實反光效果,會有真實感同埋睇得舒服。」

畫面像真度好高。(葉志明攝)

這個技術是荷里活級?他就坦言:「呢套技術喺影視界都用咗四、五年,當然荷里活係最先用,內地都用咗一、兩年都開始用,大家會聽到佢哋全廠都係用LED wall拍,希望我哋唔會太落後啦,雖然而家先起步用,出嚟個效果都係滿意嘅。」據行內人指,這一個技術雖然有別荷里活慣用的「綠幕」技術,但卻好處多多,除了拍攝完不再需要後期外,同時演員也能較易投入。

《青春不要臉》監製林肯。(葉志明攝)

點擊下圖睇更多:

+12

點擊睇游嘉欣靚相:

+40
你可能感興趣