余文樂認愛王棠云 「前度」小儀好堅強：見到佢開心我都開心！
撰文：林通賢
出版：更新：
余文樂、小儀戀情，曾經洗版足一日，連余文樂最後都在IG回應，表示驚訝。
小儀雖然沒有余文樂，不過聖誕都有狗仔陪她。
余文樂今朝在IG放閃，公開同「皮帶大王」千金——王棠云（Sarah）合照，雖然只是背面身貼身合照，但潮人就是這樣交待戀情，還寫上「Invincible. The future is bright。」當然令不少女粉傷心啦，但網友最關心反而不是fishmenlok新女友Sarah，而是「前女友」小儀，事源早前有網上媒體，惡搞小儀同余文樂拍拖，大家可能係信以為真，或者認為只是有心搞大件事，總之就瘋狂洗版，家陣樂樂有伴侶，所以大家都不禁為小儀擔心，好關心小儀會不會接受不了，《香港01》記者訪問了小儀，但她叫網民不用擔心，她說：「吓？佢拍拖關我咩事呀？我都唔係同佢一對，唔好搞啲咁嘅嘢啦，其實我都未睇（報道）呀，佢有佢嘅幸福，我有我嘅快樂，哈哈哈，同埋祝福佢，見到佢咁開心，我都好開心，（妳唔會傷心㗎？）唔會，儍㗎咩？哈哈。」
其實余文樂早前遭惡搞戀上小儀時，他曾在ig留言：「如果我過幾年都找不到對象的話，我們就真的在一起吧！」估不到樂樂咁快便找到另一半，小儀又要再努力過啦！
余文樂今朝在IG放相，寫住Invincible. The future is bright ，不過背對鏡頭，其實是大家估計是王棠云啫。