聲夢傳奇︱冼靖峰冇信心坦言靠好彩入十強:過得一輪得一輪

撰文:陳芷穎
出版:更新:

無綫(TVB)音樂真人騷《聲夢傳奇》進入白熱化階段,最後十強正式誕生。今日(29/5),一眾學員齊集商場出席宣傳活動並即席獻唱,吸引過百名粉絲現身撐場。大熱炎明熹(Gigi)被十強學員即場投選為奪冠大熱,相反冼靖峰(Archie)則被選為「最需要激發潛能之學員」。Archie接受《香港01》訪問時笑言參賽者想激發他的跳舞潛能:「平時佢哋成日叫我跳多啲舞,可能係佢哋嘅策略,想我跳多啲舞樣衰啲,我跳舞真係好渣,佢哋想我練好再跳出嚟畀大家睇。」

大熱炎明熹(Gigi)被十強學員即場投選為奪冠大熱,相反冼靖峰(Archie)則被選為「最需要激發潛能之學員」。(葉志明攝)

被選為「最需要激發潛能之學員」,Archie坦言有擔心其他參賽者覺得自己能力未夠:「但其他參賽者同我講,佢哋真係純粹想我跳舞所以先投我。我覺得係好事,起碼佢哋諗起某方面時會諗起我,喺佢哋心目中有一定地位。」

被問到成為十強的感受,Archie覺得是好彩亦對自己缺乏信心:「我覺得係好彩,由第一Round已經好驚,覺得會俾人Foul。直到而家都係抱住過得一Round得一Round嘅心態,但又想做多啲突破畀觀眾,每一Round做差唔多嘅表演好似冇咩意思。(對自己冇咩信心?)係,信心一開始好少,但慢慢開始有Fans、參賽者話畀我知『我係得嘅』,導師又同我講『Archie你呢方面OK』,令我清晰啲自己係咩類型嘅歌手。」

聲夢傳奇︱14歲姚焯菲豪宅曝光 唔怕私事被公開討論:冇嘢要隱瞞

+4

同場加映

聲夢傳奇︱炎明熹人氣最高被視為奪冠大熱︰冇信心不如唔好上台

+13
發表評論...