符曉薇千字文公審老公惹離婚疑雲 陳柏宇開LIVE澄清:窮係真嘅!

撰文:賴家杰
出版:更新:

陳柏宇與符曉薇(Leanne)在2017年結婚,二人婚後育有一女Abi,他們不時都在社交網站大曬幸福讓網友羨慕。不過在昨天(12日)Leanne開Live與網友互動,期間談到老公如何令她生氣。

不時都發布一家合照。(IG:leannefu_1027)

Live結束後Leanne在IG Story打了千字文交代來龍去脈,更標注「呢個就係live講嘅爸爸激嬲媽媽的說話」,激嬲Leanne的時候是與陳柏宇一起接受訪問,Leanne對老公向來是有讚冇彈,但相反柏宇的反應令Leanne感到自己在這個家庭毫無作用及沒有貢獻。

Leanne事後感到委屈,並打了一段千字文給老公:「我一直覺得好幸福嘅屋企。一直覺得好幸福嘅感覺。突然之間破壞咗。原來只有我覺得自己幸福。原來我唔可以令到人哋幸福。個種感覺覺得好似做幾多野(嘢)都冇用。如果唔係因為Abi我離家出走左(咗)。」

Leanne再提起當初什麼都不要便嫁給陳柏宇,「冇求婚,冇禮金,冇過大禮,仲將自己嘅金器俾晒你賣。因為我一路覺得你值得。值得我乜都唔要。淨係要你。我以為你都係咁。你會珍惜我。點知聽到原來我俾咁多壓力你。個(嗰)刻真係想離開。不過算啦。希望以後就算唔稱讚,都唔好踩到一文不值。」這便是當初Leanne回覆陳柏宇。

兩公婆即刻再開LIVE。(IG:ckw720)

經過一晚,引來勁大迴響,Leanne直言沒有睇Live的朋友在大做文章,Leanne坦言因此收到了很多記者的來電,連經理人也嚇一跳,她說:「都係我衰 搞到咁大個烏龍出嚟」而Leanne再在IG發布一張照片,並打了一段幸福宣言:「一個會用心去哄你仲會用千字文認錯嘅男人 其實好難得 有時大家一齊耐左(咗)好多嘢都會懶左(咗) 哩個懶會令大家越嚟越生疏會有更多誤會出現 如果有個唔怕煩會用心去告訴對你嘅愛嘅人 哩個人值得你穿白色婚紗付托終身俾佢 我已經搵到」

Leanne今日再講搞出一個烏龍。(IG:leannefu_1027)

另外兩夫妻在今日下午2時於IG再開LIVE談及這件事,柏宇笑言事件越鬧越大,「好勁件事,令有廣告客戶因為驚我哋關係有破損,唔敢出我哋之前一啲拍嘅嘢,幾大件事。」二人續說夫妻有這些吵架是很正常,也是一件平常事情,只是被人「煲大」了,絕對沒有離婚的想法,柏宇強調有一點是真的:「窮係真嘅」。

點擊下圖觀看Jason同Leanne一家三口的溫馨相:

+15
發表評論...