【中華小姐】馮盈盈大熱被狙擊　吉隆坡林宣妤：我知道港式粗口！

無綫《國際中華小姐》一向是花旦兵工廠，陳法拉、鍾嘉欣、岑麗香等全部華姐出身，今年亦繼續保持高質傳統，香港代表馮盈盈當然是熱門之一，但吉隆坡代表林宣妤Serene則來勢洶洶，樣子有點似Angleababy又有點似倪晨曦，而且性格爽朗，亦對香港很熟悉，連港式粗口都話認識，她說：「香港嚟過兩次喇，我覺得馮盈盈係大熱門啦，佢個人好nice又好風趣，(之前有報導話佢成日講粗口喎?)冇喎，我覺得佢個人斯文，我諗呢啲都係好耐之前嘅事啦，(妳會唔會講粗口?)我話唔會你都唔信啦，我知道港式粗口係咩，知道唔係好嘢就唔好講喇。(有咩地方優勝過其他佳麗，我諗係主場之利同親切笑容。)而她亦非常喜歡無綫劇集，她說：「我好鍾意睇無綫劇，尤其鄭嘉穎嗰套《最美麗的第七天》，我睇咗3次呀。」

 

而香港代表馮盈盈雖然今次要作客到馬來西亞選美，不過她表示未驚過：「好難得又有得選美，最希望突破自己，今次去到一個新地方選美，反而仲開心，因為覺得啲嘢好新奇，我哋個個都關係好好，但當然同同房嘅女仔紐約佳麗余思霆再熟啲，我哋一齊敷面膜，一齊食早餐。」16位佳麗中，以9號佛山代表李明子最好身材，她表示最多謝父母的遺傳。不過講咁多都冇用，睇圖最實際。