陳展鵬光頭Look宣傳《乘勝狙擊》:收視好食齋一個月

撰文:
最後更新日期:

陳展鵬今日以光頭look出席賀歲劇《乘勝狙擊》,原來他要為古裝劇《天命》剃頭,還表示剃頭剃到慣了,也迫住要剃頭出席宣傳活動及訪問。陳展鵬剃頭剃到興致勃勃,笑言《乘勝狙擊》第一星期收視好,就食齋一個月。

一夜之間,陳展鵬就變咗光頭look,大家會唔會睇唔慣?(符祥定攝)

陳展鵬拍完《同盟》又要拍《天命》,但他表示暫時還好:「上年直頭係一年開5套劇,所以而家算少嘢。」拍劇忙,陳展鵬甚少時間休息,聽聞睡眠質素麻麻地,疑似俾鬼壓?他解釋:「咁又唔係,係的確唔夠瞓,但有時好驚遲到,所以瞓覺都好似提心吊膽咁。」

林夏薇今次會飾演果欄雀后,唔知會唔會耍埋功夫?(符祥定攝)

新劇關於賭博,但未出街就被網民將之與賭博電影比較,展鵬對此有點百思不得其解:「其實公司都好耐無拍過賭劇,而且賀歲劇題材多數都係賭,自己又唔覺同其他電影有幾似,加上劇嘅背景係賭,實則係講彼此之間嘅權鬥。」陳展鵬就算第一次做賭徒,都沒有刻意參與其他作品,「參考自己,今次有啲特別,以往都就咁攤副牌然後有3條A,今次都有啲手法效果咁,同以前年代唔同。」

單立文認真chok樣,但展鵬就忍不住笑,交不足戲喎!(符祥定攝)

陳展鵬與豹哥即席係台上賭返鋪。(符祥定攝)

新劇講賭,點少得「出千」環節!(符祥定攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。