林韋辰59歲生日依然保養得宜 人緣超好獲眾星拍片送祝福

撰文:董欣琪
出版:更新:

曾是「亞視一哥」的林韋辰入行35年來參演過無數劇集,憑着精湛演技成功令觀眾留下深刻印象。近年林韋辰在《踩過界》、《福爾摩師奶》、《黃金有罪》中的演出都大獲好評,更有不少粉絲大讚他身材同樣貌都三十年如一日,仿如吃了防腐劑一樣,昨日(6日)是林韋辰59歲生日,他特別開Live隔空同粉絲開Party,更獲多位圈中好友拍片送上祝福,包括吳啟華、張耀揚、佘詩曼、陳展鵬、黃宗澤、米雪等等,可見人緣相當好!

+39

現年59歲的林韋辰熱愛運動,保養得相當好,單看外表完全看不出真實年齡!他曾在接受《香港01》訪問時分享保養秘訣:「飲食上我會食得比較清淡,冇食肉類,多數食蔬菜類,曾經有5年我都係素食者,但後來做好多劇烈運動所以都有食返啲海產類嘅食物,油炸嘅嘢就少食啲。」而在護膚方面,他亦十分注意:「我哋化妝一定要好好清潔皮膚,化妝時用嘅粉撲唔好同人共用呀,洗面時嘅布最好係即棄,洗完一兩次就唔用,咁就可以防止細菌滋生令皮膚過敏,保濕嘅工夫就一定要做。仲有一招我好鍾意用,就係夏天我好鍾意用一盆好冰好冰嘅水,成塊面浸落去,令毛孔自然收縮,就唔使啲化學收縮水!」

林韋辰保養得相當好!(資料圖片)
+24

重溫林韋辰過往演出:

+27