專訪︱Anson Lo心裏有個「教主」但唔係Edan:佢會幫我煮宵夜!

撰文:陳芷穎
出版:更新:

「我都想屋企有個阿牧」,大概每一位有看港版《大叔的愛》的觀眾都有同感。阿牧的溫柔,對阿田無微不至的照顧、無私的愛與付出,近乎完美的人設俘虜萬千觀眾心之餘,亦令盧瀚霆(Anson Lo)人氣爆升。阿牧與阿田的感情更延續到Anson Lo的新歌《不可愛教主》,這亦是劇集的片尾曲。「不可.愛教主」與「不可愛.教主」對阿牧甚至Anson Lo來說都有不同的解讀,就由「教主」親自分享這種很愛而不能愛的無奈,而他身邊亦有一位「教主」陪他走過高山低谷。
撰文:陳芷穎
攝影、短片:葉志明
剪接:陳芷穎

Anson Lo在港版《大叔的愛》飾演溫柔的阿牧,近乎完美的人設俘虜萬千觀眾心之餘,亦令教主人氣爆升。(葉志明攝)

任何你很喜歡的人就是你的教主

《不可愛教主》有兩種解讀,兩種都表達出很愛卻不能愛的無奈和心痛,就如劇中阿牧與阿田的感情一樣,Anson說任何你很喜歡的人,他就是你的教主:「『不可.愛教主』係當你好鍾意一個人,而你又知道佢未必好鍾意你,你都選擇好珍惜佢、陪喺佢身邊守護佢,無私嘅愛就為『不可.愛教主』,任何你好鍾意嘅人,佢就係你嘅教主。『不可愛.教主』係當你好鍾意佢,但佢又唔鍾意你,而你失望甚至絕望時去說服自己,個教主唔可愛、無嘢值得你去愛,係一種好絕望嘅心情。」

大概每個人都嘗試過暗戀的滋味,Anson也不例外,現時他心目中亦有一位「教主」,她就是Anson的媽媽「教母」:「尤其是呢一年,佢為我付出嘅時間愈嚟愈多,佢會夜晚起身同我傾偈,甚至會幫我煮宵夜,為我付出好多,媽咪呢位教主好可愛。」

大概每個人都嘗試過暗戀的滋味,Anson也不例外。他現時心目中的「教主」是媽媽,他亦感激「教母」的付出。(葉志明攝)

聲帶發炎類固醇起不到效用 Anson感絕望靠意志捱過

錄製《大叔的愛》片尾曲《不可愛教主》時,Anson因嚴重睡眠不足以及一直以來的說話方法令聲帶發炎和結繭,再加上當時MIRROR正舉行一連六場的演唱會,病情嚴重到他連說話都非常辛苦,花姐一度提議Anson放棄錄製片尾曲:「講兩、三句嘢就要Stop一個鐘,完全講唔到嘢。好大壓力,好驚辜負咗呢首歌,填詞嘅 Riley(林若寧)每一句都好中阿牧嘅心情,所以好想唱好佢,但嗰時能力上唱唔到。花姐提議不如同監製講唔唱喇,廢事唱得唔好,直接冇片尾曲。但嗰時開始咗頭兩個部分嘅錄音,開始咗點解唔完成埋佢,死頂就完成埋佢。」

Anson當時吃了很多藥物,甚至連類固醇亦起不到作用,他坦言當時感到非常絕望:「個零兩個禮拜搭住演唱會,連類固醇都食埋,但頭幾日唔係好Work,嗰時幾絕望。已經食咗最勁隻藥,但好似冇咩分別,用意志捱過。」

錄製《大叔的愛》片尾曲《不可愛教主》時,Anson因嚴重睡眠不足以及一直以來的說話方法令聲帶發炎和結繭,他連說話亦非常辛苦。(葉志明攝)

生日獲大眾關注感驚訝 「第一次有咁多人同我講生日快樂」

7月7日是Anson的生日,「神徒」準備了鋪天蓋地的應援,由巴士燈箱、碼頭巨型廣告甚至郵輪,他表示驚訝之餘亦沒有想過生日會得到大眾關注:「冇諗過咁多款式同數量,咁大個仔第一次有咁多人同自己講生日快樂,大家對我嘅愛好多、好豐富。」

人氣爆升帶來的就是一舉手一投足都會引來注目,Anson說暫時未感受到當中的不便全因他根本沒有時間獨自出街:「好耐冇試過自己行喺條街,而唔係工作Purpose,好耐冇試過Shopping,好耐冇試過同朋友出街食飯,好少所以唔知。我諗都唔大影響,自己幻想個畫面,大家認到對我嚟講唔係困擾。」雖然Anson密密麻麻的工作已霸佔他大部分的時間,不過他卻樂此不疲,更說要把握每個機會,盡力做好每一個工作,認真的教主、又或是溫柔的阿牧同樣十分迷人。

服裝:Sandro Homme, Giuseppe Zanotti
Styling: PIPA Creative
髮型:Denny Ku @ Chic Private I Salon
化妝:Giann Cheung @ Annie G Chan Makeup Centre

點撃睇大量專訪靚相:

+12