廖碧兒康城有獎攞勁威風！　Deep V紅地氈戰衣噴血度爆燈

廖碧兒（Bernice）今日（17/7）在社交平台貼出一條直播短片，片中的她穿上一條紅色閃閃Deep V晚裝裙亮相，中門大開，極度性感！現正身處法國康城的她在片中說：「今日康城好大雨，我本身行緊街，因為今日冇諗過要做嘢，點知好朋友Sasha問我可唔可以行紅地氈，因為有件衫好啱你，好啱身之餘仲要係我最鍾意嘅紅色。」由於廖碧兒習慣邊講嘢邊做手勢，所以不少網友都擔心她走光，她見到留言即笑說：「其實好安全，唔怕『走出嚟』。」而她又指有份獲邀出席After party，不過因為怕人多易中新冠病毒，所以未有出席。

點擊下圖觀看戰衣有幾性感：

另外，康城影展舉行之前，康城亦有舉行「World Influencers And Bloggers Awards 2021」頒獎典禮，廖碧兒亦在典禮中贏得「The Cross Borders Wine Influencer」獎項，非常犀利。