霍啟剛力撐伍家朗東奧黑衣作賽並非刻意:佢有兩件深色、兩件淺色

撰文:趙允琳
出版:更新:

前中國跳水運動員郭晶晶的老公兼港協暨奧委員副會長霍啟剛,今日(25日)以評審身份出席短片拍攝計劃的啟動禮,支持為香港電影業發掘更多優秀電影人才。他透露希望能投資拍攝更多運動題材的電影,例如像改編自前殘奧金牌運動員蘇樺偉真實故事的熱血電影《媽媽的神奇小子》一樣:「好想多啲人通過體育題材嘅電影睇到呢啲勵志故事,我未來好想嘅,尤其而家奧運熱潮,會唔會有啲好特別嘅故仔拍到呢,我哋嘅香港運動員嘅艱辛,都可以做題材。」

奧委員副會長霍啟剛,今日(25日)以評審身份出席短片拍攝計劃的啟動禮。(劉智源攝)

東京奧運賽事正進行得如火如荼,港隊羽毛球代表伍家朗早前因為身穿一件沒有區旗標識、僅印上英文名「Ng K L」和「HONG KONG CHINA」的黑色運動衣出賽,而惹來建制派議員穆家駿在Facebook撰文強烈譴責道:「如果不想代表中國香港,請選擇退賽!」,引起社會關注。霍啟剛以港協暨奧委員副會長身份對事件表示關心:「我諗羽毛球總會遲啲會有個詳盡啲嘅解釋,但據我了解,佢(伍家朗)出發前唔夠一個月就同之前嘅贊助商終止合作,所以之前套衫冇得着,時間短缺之下都未必可以即時搵到一個新嘅贊助商,所以就自己買一套衣服去出賽,我相信佢冇諗咁多嘅,據我了解佢有兩件深色、兩件淺色,而且區徽區旗都要一個申請過程,唔係話(運動員)資源(短缺)嘅問題,係牽涉到特區旗嘅問題。」他又表示這只是一個誤會,希望大家可以給予運動員空間,並將焦點放回他們的運動表現身上,讓香港運動員能安心比賽,為香港爭光。

港隊羽毛球選手伍家朗早前因為身穿一件沒有區旗標識、僅印上英文名「Ng K L」和「HONG KONG CHINA」的黑色運動衣出賽,而惹來建制派議員穆家駿點名批評。(美聯社)
發表評論...