【中華小姐】大熱林宣妤三點式水著無限loop 馮盈盈變配角面都燶

撰文:郭敏玲 林通賢
出版:更新:
馮盈盈的表情,真係好不滿咁!(網上截圖)

選美最怕就係被搶鋒頭,馮盈盈在港姐選美由面試搶鏡到決賽,但來到中華小姐就大轉變。上週16位中華小姐會見傳媒後,一眾高登網友,已被20歲來自吉隆坡的林宣妤Serene深深吸引,零死角美女超屈機、網友高呼:「我又戀愛了…」這些被女神迷倒的字眼通通出現,至於那個曾經是網友至愛的港姐冠冠馮盈盈,看來大家已經完全忘記。

日前就有佳麗泳裝宣傳片段播出,但馮盈盈心情就明顯麻麻,未知是不是由主角變配角,令到盈盈鏡頭前都出現黑面情況?當然新女神林宣妤水著畫面,無綫是沒有令大家失望,還專誠拍了出水芙蓉鏡頭,在兩分鐘的片段中,竟然播了林宣妤著三點式浮上水片段兩次,連自己人都偏心了,馮盈盈又怎可能不黑面呢?而身在馬來西亞的林宣妤對自己身材好有信心,她說:「我好滿意自己身材喎,因為我係運動員嘛,匀稱好睇好重要。」同時因為做運動關係,林宣妤講到人生並非第一次著比堅尼示人。面對鏡頭瘋狂做出出水芙蓉的動作,林宣妤亦甚有自信:「之前都有拍開廣告,雖然唔係出水,但好快就搞掂。」對答可謂狀態大勇。問到比賽在馬來西亞舉行,名正言順喺正自己主場,贏在有主場之利,林宣妤都深表認同,至於會否因此覺得特別受歡迎?她直言:「我覺得人好,自然就受歡迎。(咁你人緣好唔好?)我覺得自己人緣好好㗎。」

雖然被拍得黑面,不過馮盈盈依然不失霸氣,她說:「馮盈盈就話:「睇大家點睇啦,我覺得自己係走氣質路線,都冇話要同對手身材去正面競賽。」

接著仲會有泳裝環節,馮盈盈怕唔怕大家焦點落在其他身材好的佳麗,存在感繼而低咗?馮盈盈就話唔會為咗同其他佳麗用身材較勁,而要「谷胸」:「谷到唔自然都唔好啦。」還講到就算冇身材,但自己贏在反應快,有急智:「我會盡量係問答環節爭取表現,加上今次比賽係用廣東話,其他佳麗未必好熟悉,自己就比較擅長,所以都有信心。」不過另一佳麗林宣妤不但識廣東話,又是大熱,咁會變成對撼喎?馮盈盈就話:「仲有其他佳麗都熟悉廣東話,咁又唔再用嚟比較啦。」

今晚馮盈盈會在才藝表演跳絲巾舞,為此都苦練了一個多月。她講笑話絲巾就好似馬來西亞雲頂的雲與霧咁,但這種舞需要技術,都講求命水,失手又點算呢?馮盈盈話:「咁就啱啦,咁就可以畀大家睇到如何表演絲巾舞失手時又不失霸氣喇!」

林宣妤三點式上水充滿仙氣,但得兩秒,不過播了兩次。(網上截圖)
上水而不失仙氣,其實不容易。(網上截圖)
好彩馬來西亞天氣炎熱。(網上截圖)
不解釋!(網上截圖)
作為粉絲頭頂都會留意。(網上截圖)
睇完cap圖,不如睇啲新相,林宣妤、馮盈盈與導彈李珮儀正面交鋒。(郭敏玲攝)
一眾佳麗身穿晚裝會見傳媒。(郭敏玲攝)
大家喜歡清純林宣妤,還是曲線李珮儀?(郭敏玲攝)