陳約臨迷妹上身訪問張家朗被鬧爆:香港市民叫我畀個飛吻你

撰文:鄺鈺瑩
出版:更新:
陳約臨被指問題離地,但她堅持唔覺有問題,仲話想問得細膩啲。(影片截圖)

「劍神」張家朗今日(26日)在東京奧運男子花劍個人賽勇奪金牌,為香港代表團帶來今屆奧運首面獎牌。賽事結束後,張家朗走到媒體區接受訪問時,台下有把女性聲音表示:「而家所有人都睇住你做live,我...我...我好鍾意你呀,點算?」之後當張家朗提到調整心態作賽後、並多謝屋企人、體諒屋企人,台下又有把女性聲音表示:「可唔可以喺呢度同你屋企人講聲多謝?」張家朗傻笑表示:「好尷尬喎。」之後呢把女性聲音就話:「我已經係流淚,我直頭喺觀眾席流淚,要喊。」

陳約臨(Kelly)訪問時問張家朗「食過乜嘢?」之餘,又話「我好鍾意你,點算?」,即被網民鬧爆。(影片截圖)

張家朗提到不敢相信自己係金牌得主時,呢把女聲又嚟料!她說:「我要叫你金家朗,唔得!唔得!你係香港人嘅驕傲,好proud of you,頭先做live時問香港市民想對你做咩,佢哋叫我畀個飛吻你,但因為有Social Distancing,所以哈哈哈!支持你!」之後呢把女聲又形容香港商場有唔少市民為佢加油打氣,搞到張家朗都唔知可以點回應!

點擊睇網民洗版式鬧爆

其實呢把女聲正正就係陳約臨(Kelly),唔少網民即時在其IG留言鬧爆她的表現,除了指出她的聲音好煩和問題冇質素外,只有佢講冇張家朗講也是一個問題,到張家朗講話時又打斷人,完全冇理支持張家朗嘅廣大網民感受,又指她做「迷妹」都應該分場合。25歲的Kelly曾就讀珠海學院新聞與傳播學系,甚至為母校拍片分享自己嘅訪問技巧同對談技巧,完全唔怕教壞人。

點擊睇陳約臨

+14
發表評論...