呂爵安吸600粉絲逼爆商場 網民跪求與蔡俊彥合唱:唔介意一齊玩

撰文:陳芷穎
出版:更新:

MIRROR成員呂爵安(Edan)和陳欣妍(Shirley)今日(7日)於荃灣商場出席電影《反轉方舟動物園》宣傳活動,吸引超過600名粉絲現身撐場。由於商場二樓圍起隔板,粉絲只能圍繞地下中庭觀看,第一排的「爵屎」(Edan粉絲專稱)表示今早5時半便到場排隊。活動未開始,現場已不時高呼:「呂爵安,宇宙第一」,場面非常墟冚。

MIRROR成員呂爵安於荃灣商場出席電影《反轉方舟動物園》宣傳活動,吸引超過600名粉絲現身撐場。(葉志明攝)

Edan於下午1時45分從商場扶手電梯出場,全場隨即尖叫聲四起,Edan立即揮手向粉絲打招呼。活動上,Edan和Shirley與粉絲玩遊戲,勝出的一方更獲得與偶像自拍的機會,令台下的粉絲羨慕不已。Edan接受《香港01》訪問時感謝粉絲的支持,得知有Fans早上5時半便到場時更露出驚訝的樣子:「係咩?快啲返去瞓覺,多謝佢哋!」

首次為動畫配音,他表示是一大挑戰:「收到配音通知係嚇親,佢係咪搵錯人呀,因為自己咬字、語速都比較有問題,但當真係搵我時,我就要接受呢個挑戰,作為一個訓練過程。」Shirley大讚Edan配得很好,絕對沒有問題。Edan現時不單只忙於為動畫宣傳、拍攝《膠戰2》,更努力操肌,他笑言成果暫時保密:「點解着咁厚就係驚嚇親大家,暫時情況OK,差《大叔》嗰時少少,希望可以超越《大叔》。」

Edan於下午1時45分從商場扶手電梯出場,全場隨即尖叫聲四起,Edan立即揮手向粉絲打招呼。(葉志明攝)

香港劍擊隊成員蔡俊彥是Edan大學時期的室友,日前更特意演唱Edan新歌《小諧星》,問到二人會否有機會合唱,Edan就為粉絲帶來好消息:「如果大家想聽,我都唔介意同佢一齊玩。我都唔知佢咁鍾意我啲歌,嗰次訪問後先知原來佢成日聽我啲歌,估佢唔到。見到佢喺國際賽事為香港比賽,好戥佢開心、好感動,希望佢可以繼續努力加油,唔好掛住唱歌,練返多啲劍。」

姜濤日前連出12個限時動態與已故摯友「對話」,令網民非常心酸,Edan說姜濤情緒穩定了很多:「佢前排情緒有啲唔穩定,而家好咗好多,大家可以放心。聽到佢首歌曲嘅故仔有起雞皮,好感動。呢首歌唔係一首作品咁簡單,好有意思,希望佢盡快過到去。」《E先生連環不幸事件》突破六百萬點擊,《小諧星》亦將近二百萬,Edan預告會有下一首歌。而因合作拍攝《臺灣文西Only You》與羅家英變得友好的Edan說對方不時都會發送長輩圖給他:「佢都有留意《大叔的愛》,問我有冇鍾意咗男仔,好可愛,希望得閒可以同佢哋飲下茶。」

點撃睇更多活動靚相:

+29

同場加映:姜濤IG Story 勁傷感 Stanley 發短訊慰問 : keep 住了解佢情緒

+8
你可能感興趣