愛妻懷孕消息保密功夫做足 周柏豪：多謝朋友冇爆響口
撰文：吳子生
出版：更新：
周柏豪透露太太同囝囝明天會出院。（陳順禎攝）
日前周柏豪突然在社交平台報喜，愛妻順利為他誕下7.5磅囝囝，宣布再做爸爸，為大女添了一名弟弟，成功拼湊成「好」字。今日（20/8）周柏豪現身灣仔港安醫院接受訪問時，講到太太懷孕消息保密功夫做到足，他笑言：「其實我就冇話特別去保密，最主要係疫症少咗出街，咁所以就冇乜特別嘅活動，同埋屋企嘅老人家都唔想咁張揚，想低調。咁老人家要求到，咁我哋一定要配合佢哋，咁所以多謝各大傳媒嘅體諒，到今日終於可以同大家分享呢個喜悅。」
周柏豪笑言已完成任務，太太將會封肚。（陳順禎攝）
柏豪續說：「其實中間嘅時間，係好多朋友公司同事都知道，但大家都冇話爆響口，咁所以好多謝大家愛錫我哋。（太太會封肚？）我諗差唔多，佢都攰。而且我哋嘅目標就係而家咁，咁所以都好感恩可以達成呢個夢想。」