「黃花閨女」薛影儀仍未獲亞視出糧：工作時間比較長

「黃花閨女」落選亞姐薛影儀今晚（25/8）現身荔枝角出席網上直播節目《婆仔掃貨團》。被問到工作辛唔辛苦？影儀表示：「並不太辛苦，不過工作時間就比較長。（亞視出咗第一份薪金未？）未呀，不過就出，我唔係月薪，而係分佣金。（滿唔滿意？）滿意。佢哋如果有工作畀我，佢哋會叫我。（出糧會買咩嘢獎勵自己？）都係家用同埋生活費。（家人知唔知你今晚出去做嘢？）佢哋唔知㗎，我只係話我出去活動，而我好少同媽咪傾偈，所以咪唔同佢講囉。」