設計師Rick Owens神級作品 忠粉陳山聰都頂唔順:我唔會買囉!

撰文:林通賢
出版:更新:
陳山聰為無綫潮神當之無愧,佢當然有留意Rick Owens新作,但就話唔會買。
都係個句,潮流嘅嘢.......希望有日識欣賞。(網上圖片)
陳山聰曾經係Rick Owens,不過佢話自己成熟咗,鍾意啲實用嘅,例如他著緊嘅adidas NMD。

「fashion嘅嘢,真係識條_咩?」潮流教主Rick Owens 最近發表2017秋季系列,大師作品當然大膽前衞,將「棉胎」發揮到極致,RO有新作當然要問下頭號粉絲,TVB潮神陳山聰啦,山聰就好深明大師的用意,他以WhatsApp回應《香港01》,他說:「我當然有留意啦,呢個棉胎咁出位,點會留意唔到呢?Rick Owens大師今次呢,完全將露宿者嘅風格發揮得淋漓盡致,本身佢行騷嘅showpiece,通常都比較天馬行空嘅,佢喺shop買到嘅衫都唔會咁樣,每個人接受嘅嘢都唔同,當然啦,呢套衫好難著到出街。(會唔會買返件呀?)我諗我唔會囉,我而家個人成熟咗,會買啲工作上用得到嘅會好啲。」連潮山聰都話難著出街,就知大師今次有幾前衞啦。


而最近《乘勝狙擊》熱播,陳山聰在劇中飾演魔術師,戲服全部都係私伙,潮人拍劇認真揼本,他說:「其實就唔係用咗好多錢,好多都係以前收藏嘅衫,今次用嚟著,有幾件新買囉,有Sacai, Comme Des Garcons啦,亦有啲贊助借我啦。」其實著住件棉胎玩魔術,都真係潮喎!

陳山聰在劇中飾演魔術師,當中嘅戲服有Sacai, Comme Des Garcons等潮牌,一睇就知私伙。
近年潮山聰迷上運動,操到成身肌肉,有時唔著衫仲好睇過著衫,後面操到好辛苦嘅係佢老死袁偉豪。