七公主|丁子朗激動澄清絕非假冒 終極七公主身份率先爆 !

撰文:黃欣華
出版:更新:

《七公主》收視節節上升,昨晚(8日)第七公主身份揭曉,答案是來自韓國的宋允基(丁子朗);未知是否之前被Fake心理陰影太大,很多網民對於宋允基「公主」身份竟半信半疑:「有驚喜喎!7公主有男細佬」、「懷疑係假冒」、「我都覺得宋基係假冒,劉丹想搵番個女,應該唔會係假」、「我覺得未必係真,有可能係隱藏咗個陰謀」、「真係有七皇弟?」、「或者最後一集尾才爆出多個公主」,更有人懷疑飾演卓美雅(劉佩玥飾)男友的謝東閔才是七公主,真係「創作力量同幻想會嚇你一跳」。

就係因為呢張劇照,早已有網民斬釘截鐵表示丁子朗係七公主之一。
丁子朗嘅表情,好似有啲嘢,唔通七公主身份真係仲暗藏變數?

對於網民滿腦疑問,監製Joe受訪時賣關子謂:「終極答案喺最後一集就會揭曉!」Joe又呼籲《七公主》迷萬勿錯過星期五播出的第25集:「嗰集會有一個好大嘅轉折位,會影響晒黃翠如、陳曉華、高海寧同江嘉敏四個人之間嘅關係。」而丁子朗接受《香港01》訪問時就講道:「我真係真㗎,做咩唔信得呀?珍珠都冇咁真呀!我足足瞞咗大家一年,終於開估大家竟然唔信我。」丁子朗更稱連化妝姐姐都要隱瞞:「姐姐問我演咩角色,我都淨係夠膽講係一個韓國人同客串下,好多人都唔知我真實身分,連監製都唔畀我去咁多宣傳,怕身分會被人懷疑。我真係七公主嚟!」

其實鄺潔楹(Judy)早前接受訪問時曾透露海報暗藏七公主身份,而最新海報中七公主的背影包括:丁子朗、江嘉敏、高海寧、黃翠如、林夏薇、鄺潔楹,而最後一個相信是陳曉華,大家又估唔估得中呢?

最新海報揭曉!(網上照片)

點撃下圖睇七皇弟相認:

+20

而上周顧語嫣(林夏薇飾)痛別愛貓阿懵的第17集更傳來好消息,7天跨平台總收視達25.1點,網民紛紛留言認為阿懵功不可沒。向來愛錫動物的薇薇,似乎亦不捨阿懵,在IG留言「阿懵,媽媽永遠愛你」的同時,更上載阿懵版的《因為有你》MV作「悼念」。由於整個MV都充斥著阿懵的可愛樣及語嫣與其相處的溫馨畫面,感染力極強,不少網民看畢均留言表示感動:「喜歡語嫣跟阿懵的互動,很有愛」、「阿懵離世的那一集,我哭了很多遍。」、「從發現阿懵生病到阿懵病危離世,我的眼淚都沒停止過。」更有網民留言著薇薇不要太傷心。

《因為有你》是薇薇原本創作給愛犬「金豬」的歌曲,內裏充滿了主人對寵物無盡的愛,感染力強。

對於與阿懵的互動如此贏盡民心,薇薇受訪時感謝所有支持她和阿懵的粉絲;專誠找人幫忙剪輯阿懵「悼念」MV的她,談到與阿懵的合作時,笑言其實「很棘手」:「我自己初頭都驚難配合,一開始阿懵都好驚,拍攝現場好多人、好多機器佢會好緊張,成日會走咗去唔畀抱,外景熱阿懵又會炆憎,都有啲棘手。」幸好薇薇本身有養開狗,知道要用耐性去打開與阿懵的相處之門:「好多時拍喊戲,佢唔畀抱又走咗去,要不停再嚟過,可能佢感受到嗰種負能量想匿埋…你要讚佢,獎勵佢食嘢,我經常唔使拍嘢時會走去同佢玩,得閒抱吓佢,等佢熟悉我嘅味道同感覺,畀佢感受到愛就自然會相處得好好。」由於投放了很多情感,薇薇指每次翻看與阿懵的對手戲時,也會忍不住落淚。

+7

同場加映:TVB老化問題有跡可尋 男主角平均年齡高達42歲年輕後輩難上位

點撃下圖睇睇TVB男一的實際年齡,都真係Keep得唔錯!

+18
你可能感興趣