陳柏宇愛女升讀K1 轉讀九龍塘名校全年學費唔使兩千
撰文：鄺鈺瑩
出版：更新：
Abi今年開始讀K1。(IG圖片）
新學年開始，唔少家長都喺社交網分享小朋友嘅返學照。身為「寵女狂魔」嘅陳柏宇日前亦在IG限時動態發文，指囡囡將第一次獨自搭校巴，預計會喊到豬頭咁樣，又話自己會好心痛，但最好笑係幾小時後，Jason再次發文，並謂：「update︰大佬（Abi）上校巴嘅時候無（冇）喊」
Abi第一次自己坐校車，陳柏宇同老婆符曉薇都好緊張。(ig截圖)
其實Abi去年已經開始在浸信會奧基英文幼稚園暨幼兒園讀N班，不過升上K1後，佢就轉到位於九龍塘的香港創價幼稚園（下稱創價）。創價雖然係名校之一，但由於佢係「免費優質幼稚園教育計劃」之內嘅幼稚園，所以全年學費只需$1,793，可能話係完全合乎經濟原則。有傳劉德華早年為愛女劉向蕙（Hanna）報讀幼稚園時，創價亦在名單之內，甚至亦已交留位費，但最後就選擇了維多利亞幼兒園。
Abi之前讀奧基英文幼稚園N班。（IG圖片）
創價師生比例為1：10，平均每班有3至4名老師照顧，該校着重培養學生的語文能力，老師會透過講故事、朗讀句子等生動的方式，提升學生的認字能力，同時讓學生掌握字詞的正確讀音。學校亦因應小孩手部肌肉的能力，按部就班地教導他們畫綫條、寫字，不會過分催谷學生。
點擊睇陳柏宇新居
+7