「大王」安德尊正牌女友是女助手 對方低調默守20年
撰文：黃欣華
出版：更新：
「大王」安德尊近日被指暗撻多年的「鬥氣冤家」宋芝齡，二人更被影到撓手現身街頭，更頭貼頭傾密計，相當親密。對此，宋芝齡就火速否認戀情並指呢一刻未有追求者。而單身多年的安德尊絕對是「痴心情長劍」，現年59歲的他今年初曾罕有剖白情史。
安德尊與宋芝齡傳擦出愛火花。（IG：@sungchihling）
安德尊與宋芝齡合作主持節目多年，是幕前的歡喜冤家，亦是非常有默契的好朋友。（IG：@sungchihling）
不拍拖、結婚，曾一度被揣測是同性戀者，但他就稱不介意，笑罵由人。他曾到電台接受車淑梅訪問，自爆曾追女仔追到菲律賓修讀藥劑學，可惜後來女友去世，故未完成大學就折返香港：「我咁大個仔唯一心儀嘅就係當年喺香港電台遇上嘅關寶儀，不過而家人哋都已結咗婚，我當年因為窮出身唔敢高攀一個咁好嘅女仔，我哋仲係好好朋友。」
「大王」安德尊日前到電台接受車淑梅訪問，他罕有剖白情史。
一直盛傳大王的女助手其實是女朋友，車淑梅姐單刀直入問其助手跟了他近20年，尚未迎娶對方？安德尊即搶答：「哈哈！我希望佢係啦！總之你儲定人情，不過講真，我唔想結婚，因為適婚年齡已經過咗，人稱我鑽石王老五仲好笑！20年前我一時愚昧聽人講戴鑽石（會帶來）幸運，有光環吸力量，買咗1卡價值4萬幾嘅鑽石，在鏡頭前閃吓閃吓，後來畀人笑，戴咗1年半載除咗唔敢戴，哈！」
大王安德尊從未否認與女助手戀情。（梁碧玲攝）
+29