張致恆過磅超重　否認修改合約要求大J增磅遷就

由鍾培生主辦的《培生擂台：無敵盃2021 WE ARE CHAMPS 2021》賽事於明日（18日）隆重舉行。除了林作和鍾培生拳賽矚目之外，其實還有另一場70公斤級別賽事由張致恆（Steven）迎戰知名Youtuber大J亦萬眾期待。不過在對戰前夕大J在網上爆大獲指出張致恆疑減磅失敗要求改賽制。今日（17/9）張致恆現身九展出席拳賽過磅儀式，得出體重為73.5公斤，距離70公斤仍有少少差距。

對於被指減磅失敗，要求大J增磅遷就賽事，Steven表示：「今日我嘅磅數，我係做咗足大會畀我嘅指示嘅體重。（你本身打70公斤級別賽事，而家磅數是合資格？）合唔合資格，你可以話未完全合資格嘅，係會有少少超標嘅，但就冇講到咁誇張囉。而且我係冇要求任何人去增磅，亦都盡我能力去做好我自己嘅每一部份，亦冇諗過將呢份工作變成政治成份或任何事，但對方係點我就唔知，只知做好我自己就得。（有冇修改過合約？）冇修改過。合約寫幾多，我就做幾多。（磅數未達標會否被罰錢？）呢個我透露唔到住。（酬金能否償還債務？）呢個我無可奉告。（還清晒錢畀馮鎵瀠未？）正如佢所講還晒就還晒囉。」