關楓馨港姐落選三甲不入同紋身有關？ 關禮傑：有啲失望
撰文：吳子生
出版：更新：
關禮傑愛女關楓馨參選港姐大熱倒灶三甲不入，賽後她自評口才不好，在問答環節出現「口窒」情況，故輸得心服口服。不過有網民替她不值，認為宋宛穎同樣在問答環節一樣表現失準，但最後仍可奪冠，認為她不是輸在口才之上，而是輸在身上有紋身。
關禮傑不相信愛女關楓馨落選原因與其身上紋身有關。（周倪瑩攝）
+17
關禮傑今日（18/9）現身紅磡出席無綫劇集《我家無難事》宣傳造勢活動時，就此事接受《香港01》訪問說：「其實作為佢嘅爸爸，如果有獎攞固然係一種鼓勵，如果冇亦當係一種成長。你問我話會唔會失望，當時係會有啲失望，不過而家就冇。其實呢次係對佢成長有幫助，因為人生如果咁順利，將來遇到挫折失敗，仲會容易跌低，反而呢件事係一件好事。」
女兒關楓馨三甲不入，關禮傑承認當時有些失望。（周倪瑩攝）
對於有網民猜測愛女落選原因與紋身有莫大關係，關禮傑表示：「其實我就覺得唔關事，因為覺得而家同以前好唔同，而家紋身係一種藝術，而且都有好多巨星都係有紋身，所咁我唔覺得紋身係一種缺點，亦唔會因你身上有一個紋身就話你唔好，相信選美係講求美貌與智慧並重。」