【乘勝狙擊】陳山聰又要追賭王女 人生如戲:唔覺得編劇玩我

撰文:
最後更新日期:

陳山聰劇中追賭王千金(傅嘉莉飾),現實中他曾經同何超雲拍拖。(網上圖片/Tungstar)

劇中陳山聰幫賭王千金貼膠布,不過山聰表示自己跟劇本演,希望網友不用太多聯想。(網上圖片)

無綫劇集《乘勝狙擊》講一班老千同賭王的恩怨,網友可能覺得離地,但劇中陳山聰就一定覺得角色貼地,皆因陳山聰飾演魔術師義仔,明顯就擅長表演魔術,演出亦受到網友讚賞。不過更多人談論的是劇中的他竟然要追賭王(單立文飾)乖女(傳嘉莉飾)。眾所周知2011年陳山聰和賭王女何超雲拍拖,2013年分手,當年二人經常成為娛樂版頭條轟動全城,難怪網友覺得監製和編審有心整蠱佢。

雖然今次真係人生如戲,不過山聰反而看得開,今日陳山聰出席《乘勝狙擊》宣傳活動時則好大方話:「其實監製葉鎮輝同編劇一早已經度了這個故仔,剛好搵返我拍,好自然大家就代入咗呢樣嘢啦,但我覺得唔緊要,劇入面嘅豹哥,我哋都冇影射任何一個人,傅嘉莉嘅角色亦冇,加上我劇入面嘅角色就同我本人唔同。我就唔係好介意,但我都好希望呢個戲唔好令任何人唔開心,講真預咗人問,但呢啲已經過咗去嘅事,亦唔覺得編劇玩我,因為佢哋唔知係我演㗎!」

劇中陳山聰同賭王(單立文飾)有傾有講,那現實中當年有沒有呢?(網上圖片)

陳山聰更表示在劇中其實係大奸角,要追賭王女又要做衰嘢,難免會影響形象,好在陳山聰亦豁達:「之前有人話我知,我角色原先係馬國明做,公司亦好尊重我,問我嗰角色幾敏感喎?怕唔怕?我覺得我係一個演員,觀眾𠵱家好識睇亦識分,觀眾憎我,我開心,因為竳明佢哋有留意,我之後仲會越來越奸㖭呀!」奸角都可以有認同嘅,你睇睇鷲哥就知啦,唔使怕啦山聰!

陳山聰劇中飾演的義仔,原先是由馬國明演,不過換上山聰又真係話題性高好多。(資料圖片)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。