蘇玉華傳告別無綫 ？ 「我無嘢可以再回應！」
撰文：溫菁莉
出版：更新：
繼麥包及陳國邦離開TVB後，有傳無綫即將又會少一位好戲之人，說的就是現正拍攝劇集《平安谷．逐個捉》的蘇玉華，有網友指阿蘇拍完該劇後將離巢，連維基百科都說這套劇是她的告別作。網友睇到當然紛紛留言話可惜，又有網友表示可能49歲的蘇玉華，介意經常要做母親角色，陪襯一班新上位花旦，甚至有網友支持蘇玉華應該一早外闖。
根據《平安谷．逐個捉》的角色介紹，阿蘇的確又是做劉江的二奶，同劇女主角還有陳凱琳同龔嘉欣，講到似層層，當然要問返當事人。阿蘇接受《香港01》電話訪問時，就否認兼好勞氣地表示：「網上嘅嘢唔可以盡信，我無嘢可以再回應。」似乎對傳聞不太滿意。
下個月阿蘇與黃淑儀主持飲食節目《吾淑吾食-澳洲悉尼篇》即將播出。
維基百科裏寫《平安谷·逐個捉》是阿蘇的告別作（上圖），而討論區亦有網友指阿蘇演技好自然，仲話是時候走。
其實阿蘇現為TVB部頭合約（以「節目時數」計算薪酬，不限制藝人接電視台以外的工作）的女藝員，上一套拍攝的劇集是2015年《梟雄》，而去年則未有作品面世。而下個月逢星期日，觀眾又可以睇到阿蘇的身影，因為TVB將播出她與黃淑儀主持飲食節目《吾淑吾食-澳洲悉尼篇》。