李佳芯11月開新劇 余詠珊回歸有線無聯絡:佢應該無我電話

撰文:鄺鈺瑩
出版:更新:
Ali 也是從傳媒口中得知志偉升職,另下她表示之前因節目關係而與王祖藍簡單地傾過自己嘅諗法。(周倪瑩攝)

李佳芯(Ali)今午出席茶葉品活動,更即席用茶調整雞尾酒,不過就有少少雞手鴨腳。Ali接受訪問時笑言自己嘅廚藝屬於合級水平,但由於今日用嘅係調酒杯,為怕甩蓋,所以才會顯得小心翼翼。「三餸一湯我係整到出嚟,我自己覺得好食,屋企人唔敢投訴。(好大進步空間?)我最鍾意keep住有進步。」

提到近日網民已開始討論視后人選,Ali與林夏薇並列,Ali認為言尚早,因為接下來仲有很多劇播出。「不過都開心嘅,因為有咁嘅話題出嚟都係讚賞,已經賺咗,同埋獎⋯⋯18年拎咗已經係好幸運,同埋我唔係成日攞獎嘅命。如果係問我,我會想個角色我做得好,而令你鍾意,多過拎幾多獎,所以我從來無呢方面嘅壓力。」

Ali話自己私下從未同余詠珊聯絡過。(周倪瑩攝)

另外,近日有傳余詠珊將回歸有線搞綜藝 ,有報道指「有線黨」黃翠如、李佳芯等人隨時過檔,Ali呢日就話自己無余詠珊嘅聯繫方式。「佢都應該無我電話,所以私下從未試過聯絡,因為都係你哋講我先知,同埋我都仲有約。」而對於公司嘅監製張志明離職,Ali表示無論喺舊公司或TVB都未曾與對方合作過。「因為佢拍好多旅遊節目,有時會講笑「我唔啱你」,因為佢鍾意啲比較性感,有講笑咁話過我唔啱佢要求。」Ali 透露將在11月開劇,但由於劇本仍在修改中,所以未知會否有調動 ,而她近期趁有空檔報讀了一些課程充實自己。

Ali示範調茶,但似乎有姿勢無實際。(周倪瑩攝)
Ali示範調茶,但似乎有姿勢無實際。(周倪瑩攝)

同場加映 :傳前TVB高層余詠珊回巢有線搞綜藝 愛將李佳芯黃翠如隨時過檔?

+13
你可能感興趣