我家無難事.全劇評|十年如一滲「老土」 TVB係時候改變啦

撰文:林迅景
出版:更新:

無綫(TVB)劇集《我家無難事》第1-25集全劇評

《我家無難事》收視徘徊於19-20點之間,數據層面來看只能說是勉強合格,而網上也不乏觀眾批評劇情「連阿媽都覺得老土」。

《我家無難事》一類的溫情小品一直是TVB的「拿手好戲」,例如《絕世好爸》、《流金歲月》,又或是《真情》、《愛回家》系列等都是以家庭為出發點,探討人與人之間的關係,睇完令人心頭湧出一股暖流。在「舊時」同類型劇集都能帶起一股追劇熱潮,準時收工回家「電視汁撈飯」,但為什麼現今觀眾意見會兩極化?某些上了年紀的觀眾會形容《我家無難事》寫實、溫暖,但年輕一群卻指它不合時宜,「睇唔落」。

溫情劇一定要有嘅大團圓結局。(《我家無難事》截圖)

睇劇十分講求「代入感」三個字,例如大家睇愛情故事時時候,在劇情中浪費的氛圍、情節、環境下,會不自覺地將自己投射於其中,繼而代入了「如果我係男/女角色就好啦」的憧憬,睇《魷魚遊戲》又會代入其中,讓人產生「自己係參加者之一」的幻想,這種代入感就正是吸引觀眾,令人沉迷的原因之一。

日光日白咁猛鬼。(《我家無難事》截圖)

《我家無難事》的劇本是水準之上的,透過劇中一家之主鮑起靜(飾羅美蘭)之死引出家人之間的問題,再講他們如何修補關係,最後大團圓結局,完成了鮑起靜一直以來的心願 ──一家人齊齊整整、開開心心。故事簡單,但卻十分寫實,沒有三、四、五角戀,亂搞男女關係、飛簷走壁、明爭暗鬥又精神分裂。不是說劇情反覆、高潮疊起不好,而是走寫實路線更考編劇的功力。

呢一幕係為數不多,運鏡比較有機心嘅。(《我家無難事》截圖)

之所以評語會呈兩極化,是因為運鏡依然停在十多廿年拍法,欠缺細膩度,拍幾秒全身畫面然後就幾秒半身畫面,之於兩個人對話就面對面,近鏡拍完A說話就拍B,予人一種一成不變的感覺。

嘗試拍得細膩啲就會好睇好多。(《我家無難事》截圖)

其他劇都是用這種拍法,為什麼又沒有問題?只此一個原因當然不足以成為問題,有年輕觀眾覺得劇情「老土」,可能是因為他們並沒有經歷過劇中角色正在經歷的事,未經歷過家人去世,就不會明白車婉婉(飾郭得寶)的痛苦,未試過失婚、生意失敗,又怎會知道馬德鐘(飾郭得勤)的徬徨無助?可是說《我家無難事》成是因為寫實,敗也是因為劇本寫實。

同場加映:我家無難事|演員終極評核報告 馬德鐘同唐詩詠真係唔似夫妻

點擊下圖睇《我家無難事》演員評核報告:

+21