王祖藍稱「直播帶貨」全球獨有　霍啟剛質疑 ：以前電視咪賣嘢囉

霍啟剛最近邀請了無綫（TVB）高層王祖藍上YouTube頻道大談從商從藝的人性領悟，王祖藍大爆在2011年去到內地發展時，是綜藝最旺盛的時代亦令他大開眼界：「當時的市場一個節目的廣告費可以去到30幾億，一個電視台一年嘅廣告收益可以去到超過100億，是最黃金的年代。」

他更指現時內地「直播帶貨」是全球獨有的產業：「全球你見唔到其他地方係會有直播帶貨呢樣嘢。」對此，霍啟剛就提出質疑：「以前電視咪賣嘢囉……」王祖藍就解釋：「我哋叫做『電視購物』，『電視購物』都冇而家嘅大數據，你諗吓，而家係透過你睇視頻網站，慢慢帶你去買嘢。我估外國好多地方而家都係仲未有……你喺外國帶緊嗰個貨都係中國製造嘅貨。」

點撃下圖睇二人精彩對話：

而霍啟剛亦提起早些年他與老婆郭晶晶參與內地綜藝節目，直言因為自己體驗過很多事情，但娛樂領域還沒有涉足過，所以才會去試試。霍啟剛更強調，內地的綜藝真的投資規模很大，專業水準很高。