猛鬼3寶︱林千渟蘇皓兒「鬼咁有緣」 兩大女神自爆最恐怖經歷
撰文：陳栢宇
出版：更新：
林千渟（前名林婷）和蘇皓兒（Chloe）最近合作拍攝新片《猛鬼3寶》，今次是繼電影《糖街製片廠》後，二人再度合作靈異題材，難怪她們笑言「鬼咁有緣」，林千渟表示：「喺新戲裏面，我哋飾演好朋友，一齊賣婚紗設備，今次嘅對手戲會比上次更多。」
蘇皓兒和林千渟最近在新片《猛鬼3寶》中再度合作。
林千渟曾主持ViuTV靈異探險節目《入住請敲門》系列，盡顯大膽本色，但原來看似弱質纖纖的蘇皓兒，亦同樣是「大膽之人」，她曾為KB的網上靈探節目《又要睇又要驚》擔任嘉賓，蘇皓兒說：「本身好鍾意呢類題材，無論係電影定綜藝節目都鍾意睇。」兩大女神果真是女中豪傑，她們更笑言會互相照應。
兩位女神都是大膽之人。
問到二人在現實生活中，可有一件「最大膽」的經歷？林千渟指：「有次拍攝節目，我一個人喺荒廢咗嘅日本酒店裡，攞住個電話做直播，嗰間酒店都有三、四層高，我自己一個就咁喺入面行咗成個鐘，畢生最癲嘅事。」
林千渟曾主持ViuTV靈異探險節目《入住請敲門》系列。
至於蘇皓兒則表示：「有次同KB拍靈探節目，去咗一間有人吊頸過身嘅屋，我哋仲要坐近嗰個人過身位置進行招魂，嗰個位仲有屍油喺度。（當時有冇好驚？）因為KB太搞笑，佢驚到不停講粗口，所以令到氣氛冇咁沉重。」
蘇皓兒曾與KB（李健宏）拍靈探節目。