專訪︱梁思浩重返TVB搞捉鬼大賽? 「搵幾位大師一齊鬥」

撰文:陳栢宇
出版:更新:

梁思浩主持有線靈異節目《怪談》系列長達17年,但他早前卻突然宣布退出,更有消息指他獲無綫(TVB)總經理曾志偉邀請,即將重返娘家擔任新節目監製兼主持,有傳節目是靈探騷《搵鬼去電視城》,但他昨日(10/11)接受《香港01》便指這個是一個美麗的誤會:「我個節目叫《通靈之王》呀!唔係淨係得一季,係連續性嘅,亦唔止香港,仲會包埋東南亞。首站香港會搵一班喺玄學界發展,但唔算好有知名度嘅人參加比賽,一出場有六位大師,後期會加到八位,會教大家點樣做一個『通靈之王』。(鬥法真人騷?一齊捉鬼?)類似喇,搵個Case出嚟,幾位大師一齊出手一齊鬥。」

梁思浩直指《通靈之王》製作費用不菲,既要搭製廠景,又要至少出動八部攝影機一同拍攝:「參賽者亦都好犀利,好多年青人,我哋都係刻意挑選比較後生嘅,有一個係幫泰王睇風水,有一個曾經係電影明星,有一個係選過亞洲小姐,有一個係TVB藝人,我睇到入圍名單嗰時都覺得好出奇。」

梁思浩昨日(10/11)接受《香港01》專訪,分享重返TVB後的大計。(葉志明攝)

提到《通靈之王》未開播已獲東南亞電視台斥七位數字購買放映權,梁思浩直認自己主持的靈異節目從來深受東南亞觀眾歡迎:「只要係梁思浩靈異節目,東南亞電視台已經係買硬,如果暫時冇出貨,甚至係會叫我去拍,所以我先喺新加坡、馬來西亞拍過過靈異節目。(多數拍靈異節目,怕唔怕悶?怕唔怕俾人話食老本?)雖然都係靈異題材,但我係不停做新嘢,我係一個幾唔願意做番舊嘢嘅人,我唔鍾意『食老本』三隻字,我覺得呢三隻字對一個人嚟講係侮辱嚟,咁觀眾咁蠢,咁多年都一樣都仲睇你,你要佢揀你,你就要拎出功夫。」

專訪︱梁思浩重返TVB預咗再遇「世仇」樂易玲:唔原諒我都唔緊要

梁思浩主持的《怪談》系列絕對是香港電視史上的經典。(電視畫面)

點擊下圖觀看8個靈探節目詭異場面,當中包括梁思浩主持的《怪談》:

+13

TVB近年成為網民攻擊對象,最近更有不少杯葛事件,梁思浩直認決定回巢有預計過被鬧,但事實又非如他所想:「原來香港人好善良,係好鍾意睇大團圓結局,和好如初,哈哈!完全係放低咗件事!都有負評嘅,一千個裏面有一個。」他又直認見到娘家遭各方面負評而感到心痛:「就算我以前同TVB有幾多恩恩怨怨都好,原來我睇到人鬧TVB,我係會唔開心,就好似一家人咁,就算發生過咩事都可以冇事,有時見到佢哋鬧得唔啱,點解要鬧佢,久而久之就成為咗我返TVB嘅其中一個動力。(會唔會帶動TVB改變?)我冇睇到自己咁大,我只係想觀眾用另一個眼光,睇17、8年後嘅梁思浩。」他又指自己不局限於主持真人騷,隨時會在劇集和大騷中亮相。

場地:柏寧酒店
化妝:Mr Joe Chan Pak Cheung
髮型:Mr Billy Cheong by Hair Duo

梁思浩心痛TVB成為網民攻擊對象。(葉志明攝)
大家都喺劇集裏面見到梁思浩嗎?(葉志明攝)