薛家燕評《造星IV》Honey Bees成員 宣布組男團:以MIRROR為借鏡

撰文:葉詩
出版:更新:

薛家燕(家燕姐)周六(13日)出席無綫(TVB)新遊戲節目《麻雀鬥室三決一》拜神儀式,談起自己因工作忙碌已經十多年沒有打麻雀,為了拍節目才特意約雀友溫故知新。家燕姐相當雀躍地說起遊戲規則並非普通的廣東牌:「個佈景係電動化,有時一碰張枱就會轉,然後就會見到上家牌,就要睇嘉賓靈活應對記唔記得上家牌,真係幾好玩,我估節目出咗街之後會有好多人跟我哋玩呢個遊戲。」

家燕姐自言手氣旺:「隨時食糊,所以打麻雀運氣都好緊要!」(周倪瑩攝)

家燕姐旗下的少女組合Honey Bees可謂人才輩出,前CLC成員莊錠欣(Elkie)、上屆《造星III》殿軍雲浩影(Cloud)、《聲夢》出身的鍾柔美等,提起今年亦有高徒坂部佩莎及何榛綦均有參加《造星IV》,她直有留意消息:「我都支持佢哋!因為Honey Bees一定要識唱、跳同演戲,我覺得作為歌手要全能,而呢啲技能係從小栽培嘅。」家燕姐坦言未有時間觀看二人的節目演出,不過評價怡人各有千秋:「莎莎跳舞好勁、又識演戲,個人又好搞笑;榛綦自細練聲、跳舞勁又靚女,我都有支持鼓勵佢哋,有時間都會上網睇佢哋嘅表現。」

全民造星IV|莎莎做過莊錠欣隊友 Honey Bees成員個個都發展好?

+15
+14

家燕姐自言為娛樂圈培養不少人才:「十幾年前啲人問我點解要做個家燕媽媽藝術中心,宗旨已經係栽培下一代,始終我自己係童星出身,但當時冇呢啲嘢學,其實演藝方面嘅技藝係要從小培養,都好開心而家桃李滿門,見到學生有成就都不枉我嘅心機。」問起家燕姐女團有Honey Bees,會否也有培養男團的想法,她就率先劇透:「有!我用心栽培緊一隊叫Super Boy,又係要唱跳勁嘅!(對撼MIRROR?)佢哋都排練咗好耐,唱跳都好勁,真係好出色,唔敢講話撼MIRROR,一齊學嘢,始終演藝圈要多啲人才,各有各成就,以佢哋為借鏡去學習都係一件好事。」

MIRROR御用髮型師Lydia靚女過唔少藝人 12子愈來愈型原來全靠佢

+19

MIRROR、ERROR橫掃廣告界 頭50名廣告開支最高品牌有13間搵佢哋

+8