星空下的仁醫|鄭嘉穎搶救鍾嘉欣母子曬演技 BB道具造價達5位數

撰文:洪曉璇
出版:更新:
Eman章以芯(鍾嘉欣飾)突然覺得個肚唔舒服更下體出血,要做緊急手術拎個BB出嚟。(影片截圖)

無綫台慶劇《星空下的仁醫》進入結局篇,Eman章以芯(鍾嘉欣飾)突然覺得個肚唔舒服更下體出血,要做緊急手術拎個BB出嚟,可惜因為確診感染病毒所以個BB救唔返。網友紛紛指拍得太真喊到眼腫,整個手術場面相當逼真,據知BB道具造價達5位數﹗

鄭嘉穎落力搶救鍾嘉欣的BB。(影片截圖)

片段一開始Eman穿上手術袍下體出血,正被推往手術室,鍾嘉欣顯露出做母親的無助,握緊趕至身邊的鄭嘉穎托負要救BB令人動容。手術期間鍾嘉欣一度心跳停頓,最終成功搶救,可惜BB出世前已無心跳,即使鄭嘉穎聲淚俱下搶救都返魂乏術,令人相當心酸。網友大讚手術場面極度逼真,由剖腹至取出連住臍帶的BB,整個畫面無打格非常逼真,據知BB道具造價達5位數,頭髮臍帶等都按真實情況訂製,落足重本。

手術場面非常逼真,連臍帶都似到十足。(影片截圖)
+44

Eman醒來後見不到兒子,即無助地望向眾人,最終焚爺告知其兒子已離世;得悉殘酷現實的Eman先是一臉悲慟,又帶點難以置信,之後看到兒子遺體時,才逐漸變得激動兼不斷自責謂:「對唔住呀!媽媽害死你呀!」焚爺不想痛失愛兒的Eman再承受自責之苦,攬上身指是自己失誤害死Heman,Eman聽畢即時淚如泉湧,並激動反問焚爺:「你講乜嘢呀?你又話幫我睇住我個仔嘅?你講乜嘢呀?」

Eman醒來後見不到兒子,即無助地望向眾人,最終焚爺告知其兒子已離世,變得激動兼不斷自責。

之後Eman再與焚爺真情對話,承認自己有幻覺,並傷心地表示知道是時候放下兒子:「我知道BB已經走咗,我知道我唔應該再見佢,但我真係好唔捨得佢,我唔想自己咁清醒,佢之前仲喺我個肚入面,我連同佢Say聲Sorry都冇機會。我好掛住佢,好掛住BB呀!」單是兩場喊戲,嘉欣已成功演繹了多種複雜情緒,對於網民一致好評,嘉欣越洋受訪時大表感謝,並透露入行以來每個角色,都有盡力去設計及演繹:「細個時演較年青嘅角色,喊嘅時候會簡單啲;但章以芯資歷相對多啲,我自己又進入咗另一階段做咗媽咪,所以處理喊戲時會唔同咗,因為要顧及嘅嘢多咗,會好自然地深層次咗。」嘉欣又謂該兩場重要喊戲均是由心而發、順其自然:「我只係投入咗個角色,畀自己嘅身體語言同思維自然流露出嚟,再隨住劇本嘅帶領以及當日嘅狀態,盡我全力去做好佢。」嘉欣又坦言做了媽咪後對演喊戲有幫助:「學套劇話齋,媽咪係有一種本能,我嘅本能就係更加connect到我自己嘅內心世界同情緒,即係痛可以更痛。」

Eman看到兒子遺體時,才逐漸變得激動兼不斷自責謂:「對唔住呀!媽媽害死你呀!」

談到網民指嘉欣乃是屆視后不二之選,嘉欣直言很感動:「再次多謝大家支持,真係對我好大鼓勵,我都有成五、六年冇乜演過戲,大家都仲記得同支持我,我非常感動。我對自己演出係有信心嘅,畢竟我演咗戲十幾年,未結婚之前我都拍咗成四十部劇,有好多訓練同進步嘅機會。章以芯我係好期待去演嘅,我亦好感恩呢個角色畀咗我好多學習機會,無論演戲抑或處事,我好多謝呢個角色。」

+14
你可能感興趣