【乘勝狙擊】鷲哥啪啪聲連摑陳展鵬 吳岱融:冇得避只可以真打!

撰文:
最後更新日期:

昨晚鷲哥連摑陳展鵬十巴,睇到不少女粉絲心痛。(網上截圖)

除了用WeChat找到綁匪外,昨晚的《乘勝狙擊》最精彩一定是鷲哥連摑陳展鵬十巴。Sorry,吳岱融今次是飾演蔣天龍(龍哥),但由於性格太似鷲哥了,網民索性將龍哥當為鷲哥。劇情就講述陳展鵬竟然和單立文私下聯手對付鷲哥,鷲哥捉展鵬回書房講數,其間連摑陳展鵬十巴,摑到展鵬連眼鏡都飛出來,鷲哥越癲網民就越開心,鷲哥都知大家關心這場戲,所以在微博都有講這場戲,他說:「一take過,打就企定,絕不兩頭fing,展鵬很用心演出,非常專業,令我佩服。」

連鷲哥都要寫服字,證明展鵬真係視帝級數,鷲哥現身處温哥華登台,亦越洋以WhatsApp回覆《香港01》,他說:「大家共識係真打,因為太多不能避鏡頭,只可以真打,我當然冇出全力啦,我打都打到手痛呀,相信展鵬都非常痛,佢冇叫我留力,所以我好服佢,好專業。我永遠相信每一場,同場演員大家一齊演得好才是真的好。」真係要畀like,係畀展鵬同鷲哥!

非正式統計王浩信應該係被摑最多嘅小生,2013年在《法外風雲》被謝雪心連摑23巴。(網上截圖)

其實小生被摑當然不是第一次,這招一定有話題,無綫當然愛用,2012年王浩信在《名媛望族》被劉松仁連摑13巴,之後13年在《法外風雲》再俾謝雪心連摑23巴,有網民稱他為「兜巴信」,這次展鵬10巴其實算小兒科啦。

摑到眼鏡都飛出嚟。(網上截圖)

眼鏡飛出嚟後,鷲哥再摑多下,十巴齊哂。(網上截圖)

網民覺得鷲哥呢句係金句!(網上截圖)

鷲哥昨晚真係好癲,sorry龍哥先啱!(網上截圖)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。