拳王｜譚俊彥為一張照片激減二十多磅 面容憔悴令太太好擔心
撰文：吳子生
出版：更新：
譚俊彥為一張相激減二十多磅，過程相當辛酸。（葉志明攝）
譚俊彥（Shaun）今日（17/11）張振朗現身深水埗出席無綫劇集《拳王》宣傳造勢活動。譚俊彥透露在劇中只是客串形式出現，但卻為了一張照片要激減二十多磅，過程相當辛酸：「點解要影呢張相，係因為要預先畀張振朗用嚟做戲，係因為喺戲裡面我係佢哥哥，咁所以佢永遠都會攞住佢哥哥張相去打拳，咁所以呢張相真係好重要。」
Shaun續說：「其實瘦身嗰段時間我係拍緊《換命真相》，但當時係唔敢同人講，而我太太同身邊啲朋友見我開始變瘦，佢哋都好擔心，有問我點解唔食嘢。而我自己就要求個脂肪量係要跌到4%，基本上個人係好憔悴，仲要喺影嗰張相之前一日，要進行脫水，過程相當辛苦。」
譚俊彥出席劇集《拳王》宣傳活動。（葉志明攝）