台慶 | 曾志偉滿意今晚表現:一路做電話一路震,大家都話好感動

撰文:邱愛霖
出版:更新:

無綫(TVB)萬千星輝賀台慶昨晚(19日)圓滿結束。TVB副總經理曾志偉完騷後,在台上鼓舞一眾藝人同事,更頒獎給汪明荃(Liza姐),並指Liza姐係藝員榜樣。曾志偉完騷後接受訪問,他坦言對今晚好滿意,又話很多朋友都告訴他今晚很感動,「一路做,電話都一路震,大家都話好感動。」又表示:「今晚幾代表咗我返嚟希望見到嘅TVB。」

志偉對今晚表現好滿意。(周倪瑩 攝)

今晚擔任司儀的陳百祥(阿叻)開玩笑指本來以為曾志偉只會出任3、4個月副總經理,曾志偉笑言:「所以我一定唔會畀佢睇死,我會做4、5個月。返嚟見到好多同事,都係佢哋畀我嘅動力。啱啱分享,我、祖藍、C君,大家都係藝員出身,我哋都好了解藝員嘅需求、佢哋生命歷程。」又指剛剛分享是想鼓勵同事不用灰心:「好多國內平台搵我哋合作。所以我同藝員同事分享,我哋好多嘢做。」

志偉完騷後在台上同鼓舞一眾藝員同事。(陳順禎 攝)

有指曾志偉密密搵舊人回巢合作,其中一人是顧紀筠,曾志偉笑指:「都唔敢搵人飲茶,一搵就斟。」但強調希望新舊人一齊合作。

至於公開頒獎畀Liza姐,曾志偉則指:「阿姐係唯一一個喺TVB無間斷、冇離開過TVB,工作50周年,所以公司規例原本係餐廳頒獎,但我覺得應該係今晚,一個莊重啲嘅場合,阿姐唔單止服務TVB,仲服務香港市民。精神好適宜藝人學習。」

今晚在頭後剃上代表55周年的造型,曾志偉則指比起當年獎門人已經低調咗:「而家呢個職位,唔敢搞得太花。寫咗個55就算。」

志偉話已經低調咗。(陳順禎 攝)
志偉話希望新舊人一齊合作。(陳順禎 攝)

即睇紅地氈美照:

+18

同場加映:TVB台慶2021|54年以來十套最精品處境劇 口碑至強係邊一套?

+25