萬千星輝賀台慶｜譚嘉儀抽中獎金2萬5千要請食飯：可能要攞錢墊底
撰文：吳子生
出版：更新：
譚嘉儀透露獎金未到手。（葉兆康攝）
譚嘉儀今晚（21/11）現身電視城出席音樂節目《聲夢JUNIOR》錄影。提到日前在《萬千星輝賀台慶》的「台慶大利是」抽獎環節被抽中獲得2萬5千元。講起嘉儀心情仍然興奮：「講真過往自己都冇乜抽獎運，而今次係我第一次中，仲要係2萬五千蚊，所以我係好開心好滿足。咁所以我一定要請屋企人食飯。（一餐食盡2萬5！）哈哈！咁我可能要攞錢墊底。（獎金到手未？）未呀，之後要同公司約時間領取，相信呢兩日會攞到手。不過每年台慶，我都好期待自己係有機會做大獎嘅幸運兒，亦相信好多人去台慶都係為呢個獎。咁所以我希望下年會輪到我攞啦。」
譚嘉儀在《台慶》被抽中獲得2萬5千元獎金。（葉兆康攝）