何國鉦暪住好友陳煒 與陳醫生夾計送求婚驚喜：好似偷情咁
撰文：吳子生
出版：更新：
Dorian透露昨晚見證陳醫生向陳煒求婚成功大為感動。（梁碧玲攝）
何國鉦（Dorian）今日（22/11）煒哥現身上環出席《香港動物協會xLifestyO慈善攝影展2021》。提到昨日在陳煒生日派對上，見證其男友醫生求婚成功，Dorian表示：「其實嗰個場面真係好感人，煒哥同我及在場好多嘉賓都喜極而泣。而陳醫生佢今次好叻仔，令到大家都好驚喜，，係因為平時嘅佢好怕醜。咁但係噚晚佢係自編自導自演，仲特登剪咗條片，呢個令人好感動。」
Dorian續說：「其實搞呢個求婚派對，都籌備咗成個月時間，喺呢段時間好慘又唔講得，係因為呢段時間我成日都會見到煒哥，而且有時陳醫生都喺度，大家又唔可以講太多嘢，搞到我同佢好似偷情咁，搞到我望住陳醫生笑，個感覺仲似偷情。」
Dorian表示會為陳煒設計亮麗婚紗。（梁碧玲攝）