李元元肥嘟嘟校服裙勁緊身　媽媽笑指：第一日已經唔啱着

李璨琛與太太梁志瑩（Sophia）的囡囡李元元（Lucy）憑着肥嘟嘟的外表成功俘虜一眾網民心，3歲的Lucy今日（30日）換起校服上學，不過就發生令人笑爆嘴的事情，Lucy媽媽寫着：「套校服第一日着就已經唔啱着，個頸位係完全扣唔埋啦！仲有個肚位都係！校服表示壓力好大，係咁話好緊呀媽媽。」穿上校服裙的Lucy笑得非常開心，又擺出V字手勢兼嘟嘴表現興奮，網民大讚她可愛時不禁指「校服梗要買大啲」，Lucy媽媽回覆：「因為今次係老竇買」。