黎明著住圍裙講急口令 半分鐘噏240個字

撰文:
最後更新日期:

黎明由四大天王搖身一變成為「關公典範」的進程不需要再多講,更重要的是黎明因而成為網紅,曝光率飆升,月尾將會再於中環海濱舉行《One Night Stand》演唱會的黎明最近應該正密鑼緊鼓綵排,自初一在Facebook同網民拜年後,就一直消失,直到今日黎明再在Facebook放上短片,並留下一句「原來真係幾X快喎...」,短片在3小時內就已經有18萬瀏覽同近萬個like。

片段內容只有珍貴的30秒,黎明全程急口令咁款講咗一大堆嘢,內容係咩呢,黎明一開始就講:「時間緊逼,得30秒嘅啫,聽唔清楚可以睇多次。」記者好乖咁聽咗3-4次終於知道原來是介紹3月13日至4月25日舉行的「第13屆香港影視娛樂博覽」,而黎明在短短30秒中,居然講了逾240個字,即係1秒講8個字。

黎明式急口令,要聽真啲真係要聽幾次。(Facebook截圖)

連非常翹口的香港國際影視展、香港國際電影節、香港電影金像獎頒奬典禮、香港亞洲電影投資會、香港亞洲流行音樂節、IFPI香港唱片銷量大獎…等等展覽,黎明都叻叻豬地零透氣位講晒出嚟。

身為香港的文化藝術一份子的黎明在片中更化身長氣阿媽,著住圍裙提提大家:「食得街外嘢多,都要食下住家飯啦!」網友見到黎先生似足阿媽咁急口令,都冇嫌佢煩,還追問黎先生「到底花咗幾多時間練習」,睇嚟天王連Rap都一樣冇難度。

其實努力練習,都只不過是想你留意一下3月舉行的「第13屆香港影視娛樂博覽」。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。