全民造星IV｜Marf否認係「內定冠軍」：內定搞半年？好辛苦呀大佬
撰文：邱愛霖
出版：更新：
ViuTV皇牌選秀節目《全民造星IV》今日（19日）在九展舉行總決賽記者會。Marf（邱彥筒）成為賽前大熱，是不少參賽者的三甲心水，是否信心爆棚入硬女團？她坦言：「入硬呢就冇人講得硬嘅，因為始終結果都唔係我哋決定，但係好開心大家有咁多肯定。好多人問我有冇壓力呢？我嘅壓力係自己畀嘅，無論所有肯定、鼓勵，都係我嘅強心針。」
Marf唔認入硬女團同三甲。（梁碧玲 攝）
面對「內定冠軍」質疑，Marf絲毫不介意：「冇唔開心，因為唔係真架嘛！內定唔會搞咁多嘢啦！嘩，內定搞半年？好辛苦呀大佬。我覺得《全民造星》係一個咁嘅舞台，全部都係素人，每一個階段你哋都睇住，你哋都見到，我哋96強表演未係最精彩，全部都比較平淡，但你會見到我哋每一刻嘅進步。如果你哋話有內定、早有預謀，其實每一刻佢哋個腦都變緊，每一刻都有天才、特別有Talented（才華）嘅人衝出嚟。」
Marf話冇「內定冠軍」呢回事。（梁碧玲 攝）
「大美人」李嘉欣出任總決賽評審，Marf有睇過李嘉欣的戲，她說道：「我知佢有拍戲，我都有睇過，但如果你要問我佢最叻係乜嘢，我就真係唔係好清楚。」但她表示非常期待見到李嘉欣真人。
Marf好多粉絲。（梁碧玲 攝）
Marf與另外兩位大熱參賽者Day（許軼）、蘇芷晴（So Ching）合照。（梁碧玲 攝）
點擊睇更多20強活動照：
+27