羅蘭回應搭地鐵獲好心乘客讓座 讚有人情味:香港人好好

撰文:李婉文
出版:更新:

年屆87歲高齡、有「羅蘭姐」之稱的羅蘭是圈中的大前輩,除了藝員們,普通市民都對她好尊敬。日前,有網民在抖音上載一段目擊到羅蘭姐搭地鐵的一幕,她站在車廂中間要身旁的友人攙扶,雖然車廂中設有關愛座,但似乎都已經坐滿了人。有好心的乘客見到年紀老邁的羅蘭姐沒有位坐隨即起身讓座,她馬上向對方點頭示意坐了下來,並乖乖把雙手放在合實的雙腿上。而羅蘭姐接受《香港01》訪問時,表示也有留意相關報道,她表示不時對也有乘客讓座給她,她大讚香港人好好!

羅蘭姐演技精湛,深受演員員尊敬。(資料圖片)

羅蘭姐表示當日是去青衣看戲,於是就搭地鐵,她表示︰「搭地鐵通常香港嘅後生仔、後生女,總之香港嘅人,一見到我哋呢啲長者,佢即刻起身,話『你坐啦』。嗰日坐地鐵,又係有人起身,話『你坐啦』,人哋都起咗身,咁我就(話)『多謝多謝,唔該唔該』,跟住旁邊有啲人,就攞定個相機影咗,咁我唔知㗎,影嗰陣我唔知㗎,之後人哋話返畀我聽,『你坐地鐵畀人影咗啦喎!』」

滿頭白髮的羅蘭姐站在車廂中間要身旁的工人姐姐扶着。(抖音圖片)

點擊觀看羅蘭姐被乘客讓座的過程:

羅蘭姐又透露平時都經常有人認得出她,「你知而家啲手機方便,我又唔知點解戴埋口罩,啲人都認得,喺後面已經話『羅蘭姐,行街啊?』咁樣。好似我如果坐的士,上到車話去邊,跟住嗰個車長(的士司機)就會望吓倒後鏡,話『哦,係羅蘭,我都認得你把聲!』把聲佢哋都話認得。好多謝香港嘅觀眾。(係咪覺得好有人情味?)「好好!好好!好有禮貌。」事件亦相當窩心呢!

同場加映︰全民造星IV|參賽者粉絲改名勁有創意 Candy fans叫「晴天蛙蛙」

全民造星IV|參賽者粉絲改名勁有創意 Candy fans叫「晴天蛙蛙」
+13
你可能感興趣