「Agent L」曹梓沖唔撈ViuTV：現實情況唔容許我做鍾意做嘅嘢

製作過《花姐ERROR遊》、《美女郊遊遊》等節目的ViuTV幕後團隊「無制限OT編集団」成員「Agent L」曹梓沖（Alfred）昨日（31/12）在Instagram暗示離開ViuTV，他在帖文中寫道：「2021，對於我係非常特別嘅一年。好記得年頭嘅時候，已經決定做多一個節目就會辭職，因為差不多踏入三十要顧慮嘅嘢好多，包括家庭，婚姻，事業。現實嘅情況唔容許我繼續做自己鍾意做嘅嘢，所以自肥企画本來係我最後一個節目，發夢都無諗過呢嗰節目可以改變我嘅未來，我想喺度衷心多謝我班無制限嘅兄弟，冇你哋冇我，永遠在心中。雖然唔知道幾時有機會再合作，但係我會繼續努力期待再合體嘅一刻，總括2021非常感恩現在得到嘅嘢，希望下年會更好繼續努力，下年見。」

點擊下圖觀看「Agent L」在帖文分享的照片：

ERROR成員阿Dee（何啟華）、「旁白君」文卓森、陳漢娜等戰友也有在留言區講加油，至於「格仔導演」Mike（劉諾衡）則在限時動態中分享帖文並寫上「好兄弟，有今生無來世」，而「Agent L」接受傳媒訪問時亦承認已辭職，但未有透露未來去向。

點擊下圖回顧《花姐ERROR遊》七大名場面：