禁晚市堂食︱譚俊彥感突然 股東即開會採取對策:咁不如裝修

撰文:賴家杰
出版:更新:

香港第五波疫情爆發,今午(5日)政府宣布收緊防疫措施,由1月7日(周五)起收緊社交距離措施,為期14日,多個大型活動需要取消,而餐廳堂食只能營業到下午六時。

剛出爐的「視帝」譚俊彥(Shaun)除了演戲好之外,憑著節目《男神廚房》讓一眾觀眾知道他的廚藝有多好。而本身Shaun與一眾朋友夾份開設的餐廳,最近憑著人氣急升的他帶旺了整間餐廳的生意,但政府收緊了食肆只能堂食到下午六時,相信對他有一定的影響。

剛剛成為視帝。(IG:tammerz)

Shaun接受《香港01》記者的訪問時回應:「其實好突然成件事,我哋仲開緊會商討緊,感恩餐廳一路個booking都好好,所以一直冇時間裝修。依家我哋公司諗住咁樣不如裝修,執過晒啲地板,希望開返有新嘢畀大家嚟食飯。」

政府宣布14日食肆不能晚市堂食,Shuan坦言唯有見步行步:「一切都要今晚同股東開埋會先知,我覺得對所有人都好大影響,我依家要處理下員工情緒,感恩就係好多熟客返嚟,同埋因為《男神廚房》關係,所以唔擔心之後冇生意,開返之後啲朋友可以嚟食飯。」

譚俊彥在《男神廚房》展現高超廚藝。

Shaun透露預計六位數字裝修餐廳,但不認為這是奇招去對應對這14日的禁晚市堂食:「又唔可以講係奇招,既然政府咁樣做法,我唯有食住個勢,原本我哋打算過年去做嘅,咁依家可以有時間畀我哋做,咁希望過年有時間推出新嘢畀大家。」

點擊睇Shaun早前《男神廚房》嘅相片!

+37

點擊睇更多Shaun嘅照片!

+19