何廣沛入行9年備受力捧做男一 反常態灰爆稱:想專注做幕後

撰文:黃欣華
出版:更新:

現年33歲何廣沛主演的新劇《異搜店》正在熱播,他最近就獲Do姐(鄭裕玲)邀請,接受電台節目《口水多過浪花》的訪問。何廣沛透露目前主力與子豪(Arnold)及方紹聰(奶仔)經營YouTube Channel,更稱三人因拍攝TVB劇集《食腦喪B》而成為好兄弟。節目中,何廣沛一反常態,隻字不提新劇,更揚言有機會不再做演員。

何廣沛在節目中揚言有機會不再做演員。(IG/@do_do_cheng)
Do姐更自爆點名要與何廣沛合作。(IG/@do_do_cheng)

何廣沛稱三人已經經營YouTube Channel半年,未來的重心依然會放在YouTube:「未來可能重心擺多啲喺YouTube Channel,因為呢個真係新的嘗試。我當呢個YouTube Channel係一間公司,當我哋係一個老闆仔,希望呢間公司可以長久,除咗拍YouTube Channel啲片,我哋都會將呢個Channel變成一半嘅Production House去接其他嘅工種,可能有朝一早我就唔再做幕前專注做幕後。(你講咗兩次鍾意做幕後?)我有呢個思維,我而家做嘢係用幕後嘅思維去諗做嘢。」

何廣沛稱三人已經經營YouTube Channel半年。(IG/@brainstorming__official)
何廣沛在2018年奪得《萬千星輝頒獎典禮》「飛躍進步男藝員」。(資料圖片)

至於被Do姐問到將來會不會不再做演員,何廣沛直言:「有機會,但我enjoy呢個多功能崗位,演員會照做,但比重會少啲。」何廣沛原來在加州州立大學會計系學士課程出身,但在2012年他曾講道不論會計師或演員都要吃苦,兩者相較下還是對演藝工作深感興趣,故決定加入無綫電視第26期藝員訓練班。可惜,近年擔正做劇集男主角的他,原來志不在TVB。言談間,他更提到另一部主演的劇集《食腦喪B》不知何時真正播出,看來有點心淡。

+30
你可能感興趣